5:537  ACTES  DE  BATISBONNE.  union  de  doctrine  ny  accord  avec  [fol.  29]  les  Escriptures  ne  pourra  deffaillir  a  l'Eglise.  Lesquelles  deux  choses  sont  les  marques  de  l'Esprit,  qui  est  appelle  Esprit  d'union  non  de  dissension,  tout  ainsi  qu'il  est  le  vray  autheur  et  dictateur  de  toute  vraye  interpretation,  et  de  toute  ordonnance  salutaire.  Cestuy  consentement  ecclesiastique  est  aussi  approuve  par  la  sainctete  des  gens  craignans  Dieu,  miracles  et  sang  des  Martyrs.  Quant  au  reste  les  Eglises  particulieres  ont  bien  l'authorite  de  conferer  les  Escriptures,  et  de  les  visiter  diligemment,  et  mesme  de  les  interpreter,  en  telle  sorte  toutesfoys  que  cela  ne  bataille  point  contre  ce  perpetuel  accord  de  l'Eglise  (Iean  5,  39;  Act.  17,  l  l  )  :  et  mesme  quand  les  opinions  sont  diverses,  une  Eglise  particuliere  se  doit  rapporter  a  plusieurs  et  plus  grandes,  et  finablement  quand  la  necessite  le  requerra,  plusieurs  doivent  remettre  la  diffinition  a  l'Eglise  iiniverselle,  ce  qui  se  doit  faire  par  assemblees,  lesquelles  conviendront  es  Conciles:  desquelz  les  uns  sont  Episcopaulx,  les  aultres  Provinciaux,  les  aultres  Nationaux,  et  les  aultres  universelz.  Voyci  ce  que  nous  avons  a  dire  touchant  la  premiere  marque  de  l'Eglise,  qui  est  la  parolle.  Des  Sacremens.  La  seconde  enseigne,  par  laquelle  la  vraye  Eglise  est  congneue  d'entre  les  aultres,  sont  les  Sacremens  et  l'usage  legitime  d'iceux:  car  nous  trouvons  que  les  Sacremens  ont  este  instituez  par  authorite  divine,  principalement  pour  deux  causes;  l'une  a  celle  fin  qu'ilz  fussent  signes  et  comme  marques  d'alliance  de  ceste  grande  congregation,  qui  est  l'Eglise.  Car  comme  dit  S.  Augustin,  en  nulle  Religion,  soit  vraye  ou  faulse,  les  hommes  ne  se  peuvent  ioindre  ensemble,  sinon  qu'ilz  s'assemblent  par  quelque  concordance  de  signacles,  ou  de  Sacremens  visibles.  Parquoy  nostre  seigneur  Iesus,  nous  mettant  sus  un  ioug  doulx,  et  un  fardeau  legier,  par  Sacremens,  qui  sont  en  bien  petit  nombre,  et  tresfaciles  a  observer,  mais  en  signification  tresexcellens,  a  lie  et  conioinct  ensemble  la  societe  de  [fol.  30]  son  peuple  nouveau.  L'aultre  cause  est,  a  celle  fin  qu'ilz  soient  signes  certains  et  efficaces  de  la  volunte  et  bonte  de  Dieu  envers  nous,  et  par  ainsi  ilz  ne  sont  par  signes,  pour  seulement  signer,  ains  pour  sanctifier,  et  nous  rendre  certains  de  la  grace  receue,  pour  exciter  aussi  la  foy  en  nous,  et  pour  nous  provoquer  et  enhorter  a  dilection  les  uns  envers  les  aultres,  et  a  conditions  sainctes  et  Chrestiennes.  Donc  Sacrement  est  bien  ainsi  descript,  que  iceluy  est  signe  visible  de  l'invisible  grace  de  Dieu.  Car  ce  signe  est  de  telle  nature,  que  ainsi  qu'il  se