37:537  537  IN  IEREMIAM.  CAP.  II.  538  quosque  lapillos  reperietur  quod  mecum  possit  conferri?  Hac  igitur  similitudine  ostendit  Deus,  quam  perverso  ingenio  fuerint  Iudaei,  quum  ita  abiecerint  bonum  illud  inaestimabile,  nempe  habere  Deum  patrem,  et  florere  sub  eius  regno.  Nihil  enim  ipsis  ad  beatam  vitam  defuerat,  quamdiu  se  reddiderant  capaces  paterni  favoris,  quo  Deus  ipsos  complexus  fuerat,  et  volebat  ad  finem  usque  prosequi.  Quum  ergo  Deum  experti  essent  tam  beneficum,  nonne  oportuit  esse  plus  quam  amentes,  qui  ita  abiecerint  sponte  eius  gratiam?  quum  tamen  puellae  soleant  mordicus  affixos  habere  sensus  omnes  suis  nugis,  quae  nullius  sunt  pretii.  Sed  propheta  consulto  hac  similitudine  usus  est,  ut  sibi  faceret  transitum  ad  proximam  sententiam.  Volebat  enim  Iudaeos  conferre  mulieribus  adulteris  quae,  dum  feruntur  effraeni  sua  libidine,  rapiuntur  post  suos  vagos  amores.  Ergo  quum  vellet  obiicere  hoc  crimen  Iudaeis,  ex  professo  loquutus  est  de  monilibus  virginum,  et  ideo  sequitur,  33.  Cur  bonificas  (id  est,  paras,  concinnas)  vias  tuas  ad  quaerendum  amorem  ?  itaque  etiam  pravitates  docuisti  in  viis  tuis.  Varie  exponitur  hic  versus.  Sed  simpliciter  intelligit  propheta  Iudaeos  similes  esse  mulieribus  lascivis:  quae  non  tantum  maritos  suos  domi  contemnunt,  sed  discursant  huc  atque  illuc:  deinde  fucant  facies  suas,  et  accersunt  sibi  multas  illecebras  impudicitiae.  Dicit  ergo  Iudaeos  ita  fecisse:  et  hoc  vocat  bonificare  vias  suas.  Nam  hoc  verbum  apud  Hebraeos  late  patet:  accipitur  enim  pro  parare,  pro  conciliare  gratiam.  Sed  hic  tantundem  valet  ac  si  dixisset  propheta,  Cur  te  ipsam  fucas  ac  pingis,  quemadmodum  solent  meretrices,  quae  ut  alliciant  stultos  iuvenes,  et  inflamment  eorum  libidinem,  multis  artificiis  utuntur?  cur  ergo  tantum  sumis  laborem  ad  meretricium  quaestum?  Videbimus  quorsum  hoc  dicat  in  fine  capitis:  nam  obiiciet  illis  Assyrios  et  Aegyptios.  Est  autem  haec  trita  doctrina  apud  prophetas,  conferre  scilicet  amatoribus  populos  illos,  quoniam  Iudaei,  quum  deberent  penitus  affixi  esse  Deo  (quemadmodum  mulier  casta  non  convertit  oculos  huc  et  illuc,  neque  vagatur,  sed  respicit  solum  maritum),  tamen  nunc  putabant  sibi  ab  Assyriis  petendam  salutem  esse,  nunc  autem  confugiebant  ad  Aegyptios.  Hanc  ergo  pravitatem  nunc  in  ipsis  accusat  propheta:  et  ideo  metaphorice  loquitur  de  ipsis  tanquam  de  persona  mulieris  adulterae,  quae  marito  suo  spreto  vagatur  post  quoslibet,  et  quaerit  sibi  adulteros  et  stultos  adolescentes  omnibus  locis,  et  est  exposita  omnium  libidini.  Nunc  tenemus  prophetae  sensum.  Quantum  ad  verba  spectat,  dicit,  Cur  ita  concinnas  vias  tuas?  Sed  studia  hic  confert  etiam  corpori