35:537  537  SUR  LE  CANTIQUE  D'EZECHIAS.  538  monstre  que  toute  nostre  felicite  est  que  nous  soyons  de  la  compagnie  de  ses  enfans,  aussi  faut-il  qu'un  chacun  de  nous  s'employe  a  l'honnorer  comme  son  Pere.  Voyla  pourquoy  Ionas  aussi  estant  retire  du  gouffre,  dit,  Ie  beniray  mon  Dieu:  il  ne  dit  pas,  Ie  vivray  pour  boire  et  pour  manger:  mais  Ie  viendray  au  Temple,  au  Sanctuaire  de  mon  Dieu,  et  la,  ie  luy  rendray  la  louange  de  ceste  redemption,  assavoir  qu'il  ma  retire  de  la  mort.  Voyla  donc  ce  que  nous  avons  a  faire.  Or  touchant  ce  qu'Ezechias  parle  de  la  couppure  de  ses  iours,  il  regarde  au  cours  naturel  de  la  vie  humaine  duquel  ii  est  fait  mention  au  Cantique  de  Moyse,  car  il  commenca  de  regner  en  l'aage  de  vingt-cinq  ans.  En  l'annee  quatorzieme  la  ville  de  Ierusalem  fut  assiegee  et  alors  aussi  il  tombe  en  ceste  maladie,  comme  nous  le  voyons.  Le  voyla  donc  a  l'aage  de  trenteneuf  ans.  Or  il  dit  que  sa  vie  est  couppee,  d'autant  qu'il  n'est  point  parvenu  a  la  vieillesse.  Il  est  vray  que  la  Moyse  parle  de  la  fragilite  des  hommes  et  dit,  Qu'est-ce  que  des  hommes?  Apres  que  Dieu  les  a  yci  pourmenez  trois  iours,  alors  ils  retournent.  Et  de  faict  quand  l'homme  vient  iusques  a  soixante  ans,  il  est  desia  abbatu,  et  s'il  en  adiouste  dix,  il  n'y  a  plus  que  fascherie  et  chagrin,  il  est  en  charge  et  quasi  inutile  et  mesmes  sa  vie  luy  est  ennuyeuse.  Il  nous  monstre  donc  la  que  ceste  vie  estant  ainsi  briefve  et  caduque  ne  nous  doit  pas  retenir.  Mais  quoy  qu'il  en  soit,  si  est-ce  que  le  Roy  Ezechias  estoit  comme  en  fleur  d'aage:  il  n'estoit  point  parvenu  iusques  a  l'aage  de  quarante  ans.  Selon  ce  regard  il  dit  que  Dieu  luy  coupe  ses  iours:  non  pas  que  nous  ayons  temps  determine:  car  les  enfans  ne  meurent  ils  pas  bien  quelquesfois  devant  que  venir  en  ce  monde?  et  apres  qu'ils  y  sont  venus,  la  mort  ne  les  a-elle  point  assiegez  desia?  Mais  tant  y  a  qu'il  n'estoit  point  parvenu  a  ceste  vieillesse  qui  est  selon  le  cours  ordinaire  de  ceste  vie  humaine.  Ezechias  donc  contemple  cela:  et  surtout  ii  a  tousiours  les  yeux  fichez  sur  ce  message  du  Prophete  Isaie,  c'est  ascavoir  que  Dieu  Fafflige  a  cause  de  ses  pechez.  C'est  donc  autant  comme  s'il  disoit  parlant  a  soy-mesmes,  Ie  voy  bien  que  Dieu  ne  te  veut  point  laisser  en  ce  monde  d'autant  qu'il  y  a  yci  une  routte  violente.  Et  d'ou  procede  elle?  de  tes  fautes  et  pechez:  comme  nous  verrons  qu'il  adioustera  tantost.  Il  est  vray  qu'il  attribue  le  tout  a  Dieu  comme  a  son  iuge,  mais  il  recoit  la  faute  sur  sa  personne  et  se  confesse  luy  seul  estre  coulpable.  Voyla  donc  comme  il  entend  que  ses  iours  ont  este  coupez.  Quand  il  dit,  Qu'il  viendra  aux  portes  du  sepulchre,  qu'il  ne  verra  plus  les  vivans:  c'est  a  cause  qu'il  ne  converseroit  plus  avec  les  hommes  pour  s'exercer  au  service  de  Dieu.  Or  maintenant  ce  n'est  point