32:537  537  SUR  LE  PSEAUME  CXIX.  538  dit,  il  y  a  des  vices  qui  sont  plus  abondans  aux  uns  qu'aux  autres.  Il  faut  donc  qu'un  chacun  regarde  a  quoy  sa  nature  encline,  et  qu'il  s'efforce  d'autant  plus  a  resister  a  toutes  les  tentations,  desquelles  il  pourroit  estre  esbranle.  Qui  plus  est,  il  faut  regarder  aux  mauvaises  affections  et  pensees,  qui  nous  pourroyent  decevoir  selon  les  occasions  et  obiects.  Il  n'est  pas  vray-semblable  que  David  de  sa  nature  fust  avaricieux  et  nous  ne  trouvons  point  cela.  Mais  il  estoit  Roy,  il  avoit  un  pays  fertile  et  abondant,  il  pouvoit  amasser  tant  et  plus,  comme  nous  voyons  aussi  qu'il  l'a  fait.  Quand  les  richesses  viennent  ainsi  aux  hommes,  il  y  a  danger  qu'ils  ne  s'y  adonnent  par  trop,  la  ou  auparavant  ils  les  eussent  mesprisees.  Et  ainsi  donc,  David  pouvoit  avoir  este  solicite  de  desirer  encores  plus  de  biens  qu'il  n'avoit,  combien  que  l'or  et  Targent  n'estoit  pour  rien  conte,  comme  dit  l'Escriture  :  que  de  son  temps  l'or  et  l'argent  estoyent  comme  du  plomb  ou  de  la  terre,  telle  abondance  y  en  avoit-il.  Luy  donc  voyant  qu'il  avoit  de  grandes  occasions  de  s'adonner-  a  l'avarice,  il  est  tant  plus  soigneux  a  prier  Dieu.  Or  nous  avons*a  recueillir  une  bonne  doctrine  de  cecy,  que  ceux  qui  sont  eslevez  en  dignite  et  en  honneur,  regardent  de  n'estre  point  surprins  d'ambition,  pour  se  vouloir  monstrer  et  faire  valoir  quant  au  monde.  Que  ceux  qui  sont  riches  et  opulens,  n'y  soyent  point  adonnez,  comme  il  est  dit  en  l'autre  passage  du  Pseaume,  Si  les  richesses  abondent,  n'y  mettez  point  vostre  coeur.  Que  ceux  qui  peuvent  estre  en  delices,  se  tiennent  en  bride  courte,  qu'ils  avisent  de  n'abuser  des  biens  que  Dieu  leur  fait.  Voyla,  di-ie,  en  premier  lieu  comme  chacun  doit  brider  sa  nature,  afin  de  resister  aux  vices  et  aux  pechez  ausquels  il  est  enclin.  Et  secondement,  comme  chacun  ayant  des  obiects  ou  occasions  de  se  desborder,  doit  faire  tant  meilleur  guet.  Car,  comme  i'ay  dit,  encores  qu'un  chacun  soit  adonne  a  un  vice  plus  qu'a  l'autre,  si  est  ce  que  nous  sommes  entachez  de  tous,  et  n'y  a  celuy  qui  s'en  puisse  exempter.  Or  il  est  vray  que  David  parle  yci  notamment  de  l'avarice.  Pourquoy?  d'autant  que  c'est  un  vice  qui  engendre  des  maux  tant  et  plus.  Et  ce  n'est  point  sans  cause  que  S.  Paul  l'appelle  Racine  de  tout  mal  :  car  depuis  qu'un  homme  s'est  une  fois  adonne  a  ceste  mauvaise  convoitise  des  biens  de  ce  monde,  il  fait  une  idole  de  son  argent,  de  ses  richesses,  et  de  ses  possessions.  Il  en  est  tellement  transporte,  que  iamais  il  ne  se  pourra  rassasier.  Il  est  comme  un  gouffre  que  iamais  on  ne  peut  remplir.  Et  puis  cela  fait  qu'il  est  plein  de  cruaute,  n'ayant  nulle  pitie  de  ses  prochains,  qu'il  ne  fera  nulle  conscience  ne  scrupule  de  despiter  et  Dieu  et  le  monde  moyennant  qu'il  en  ait,  ce  luy  sera  tout  un.  Ainsi  donc  notons,  que