25:537  537  COMMENTARIUS  IN  IOSUE  CAPUT  XVIII.  538  1.  Congregata  est  autem.  Hic  refertur  celebris  conventus  habitus  in  Silo,  ubi  deliberatum  fuit  de  iaciendis  reliquis  sortibus.  Nam  etsi  pio  studio  sortitionem  aggressi  erant,  fuerat  tamen  actio  interrupta:  ac  si  victoria  praecedere  deberet  distributionem,  quae  pendebat  a  solo  ore  Dei.  Conveniunt  igitur  in  Silo,  ut  decernant  quid  factu  opus  sit  in  futurum  tempus.  Nec  vero  dubium  est,  quin  coetum  hunc  Iosue  indixerit,  ut  pigritiam  illis  excuteret.  Neque  enim  ipsi  sponte  quidquam  proferunt,  sed  ab  obiurgatione  incipit,  quod  segnes  ac  remissi  sint  in  adeunda  quam  Deus  ipsis  largitus  fuerat  haereditate.  Colligere  itaque  ex  eius  sermone  promptum  est,  plena  quidem  alacritatis  fuisse  exordia:  sed  nullam  fuisse  perseverantiam.  Et  tamen  spiritus  sancti  elogio  ornata  fuit  illa  obedientia,  quae  paulo  post  elanguit.  Ac  notandum  est,  populum  reprehendi,  non  quod  sortiri  negligat:  sed  quod  haereditatem  non  occupet  divinitus  sibi  oblatam.  Et  certe  ut  signum  fiduciae  erat  sortitio,  ita  quaecunque  singulis  obtigerat  regio,  certum  et  fidele  erat  pignus  futurae  possessionis  :  quia  Deus  suam  cuique  partem  assignando  minime  ludebat.  Verbum  nS"l  quod  transtuli  cessare,  significat  etiam  remissum  esse,  vel  debilem.  Turpis  ergo  socordiae  eos  insimulat  ,  quod  quum  maturum  advenerit  tempus  hostes  profligandi,  cunctando  morentur  ac  suspendant  effectum  beneficii  Dei.  Nam  si  nuda  sorte  contenti  quod  obtigerat  fide  amplexi  essent,  prompti  haud  dubie  et  expediti  fuissent  ad  bellandum:  imo  quasi  victores  ad  triumphum  properassent.  Dicitur  autem  arca  posita  fuisse  in  Silo,  non  tantum  ut  consultatio,  quasi  in  Dei  conspectu,  sanctior  esset  ac  gravior:  sed  quia  locus  erat  pacatus,  et  ab  omni  vi  externa  et  iniuria  tutior.  In  primis  enim  esse  curae  debuit,  ne  ad  repentinos  insultus  exposita  esset.  Quamvis  enim  ad  propulsandos  hostium  impetus  undique  manus  Dei  esset  extenta:  sic  tamen  inter  ipsos  habitavit  Deus,  ut  essent  veluti  custodes  ac  satellites.  Caeterum  quamvis  arcae  tunc  electa  fuerit  statio:  non  tamen  perpetuum  fuit  domicilium,  sed  temporale  hospitium  duntaxat.  Neque  enim  in  arbitrio  vel  suffragiis  populi  fuit  Deo  sedem  ubi  resideret  praefigere:  sed  exspectari  debuit  quod  passim  occurrit  in  lege,  ut  alicubi  statueret  memoriam  nominis  sui.  Quod  tandem  exhibitum  fuit,  quum  templo  dicatus  fuit  mons  Sion.  Qua  ratione  dicitur  in  Psalmo  122,  2:  Stando  manebunt  pedes  nostri  in  atriis  tuis  Ierusalem  :  quibus  verbis  innuitur,  arcam  ad  illud  usque  tempus  peregrinatam  fuisse.  Verum  ruina  et  vastitas  Silo  tandem  docuit,  nulla  praestantia  vel  dignitate  adversus  Dei  vindictam  protegi,  qui  eius  beneficia  corrumpit.  Usque  ad  mortem  Heli  passus  est  Deus  illic  coli  sacrum  suum  nomen:  sed  quum  tota  religio  sacerdotum  impietate  foedata,  et  populi  ingratitudine  fere  abolita