9:536  et  consensio,  1)  nisi  universalis  consensus?  quia  si  [pag.  33]  pars  tantum  consentiat,  nihil  ad  traditionem  ecclesiae.  Verum  ut  huic  inscitiae  ignoscam,  velim  nobis  exponat,  sufficiatne  unaquaeque  ex  notis.  Si  in  sola  antiquitate  acquiescendum  est,  prodigiosissimae  quaeque  haereses,  quae  apostolorum  aetati  contiguae  fuerunt,  fidem  catholicam  efficient.  Si  tres  notas  simul  connexas  esse  oporteat,  non  aliis  fidei  nostrae  capitibus  accommodari  poterit,  quam  de  quibus  nulla  est  inter  nos  et  papistas  controversia.  Sic  nusquam  reperietur  universitas.  Unde  apparet  non  modo  fucum  fieri,  sed  inanes  praestigias  obtendi  simplicium  oculis,  dum  [pag  34]  sub  fallaci  traditionis  titulo  obtruditur  confusum  ex  varia  mixtura  chaos.  Porro  qualis  ingenuitas,  spectrum  antiquitatis  obiicere,  ex  quo  mox  prodigiosa  scaturiat  errorum  omnium  congeries  ?  Nam  si  rogemus  quaenam  sit  vetustas,  cuius  decretis  parendum  est:  nobis  insulsas  naenias  iactabit  censor,  quae  sub  nomine  Ignatii,  Clementis,  Lini  et  similium  circumferuntur.  Miror  etiam,  quum  facile  erubescat,  non  magis  esse  verecundum  dum  lucem  quae  refulget  in  scripturae  simplicitate,  ex  confusa  densaque  priscorum  interpretum  caligine  peti  iubet.  Atque,  ut  breviter  absolvam,  [pag.  35]  haec  fuit  origo  Cabalae  quae  Iudaeos  fascinavit.  Hinc  prodiit  Pharisaeorum  secta,  qui  legem  et  prophetas  contaminarunt  adulterinis  commentis.  Ex  eadem  lacuna  emersit  papatus:  nec  alia  fultura  nititur  Mahometis  religio.  Quibus  exemplis  satis  superque  monemur  quam  exitiale  sit,  vel  tantillum  a  puro  et  genuino  Dei  verbo  deflectere.  Ad  alias  postea  species  descendit  :  ac  doctrinam,  quae  ab  omnibus  ecclesiis,  vel  maiori  certe  parte  est  recepta,  et  probabilibus  rationibus  e  sacris  literis  confirmata,  vult  indubie  [pag.  36]  suscipi:  quamvis  ingeniosis  hominibus  rationes  occurrere  possint  quibus  probabiliter  refutetur.  Telam  quidem  araneae  texit  impostor.  Sed  quibus  nos  insidiis  appetat,  observandum  est.  Paulo  post  in  locum  ecclesiae  catholicae  subrogabit  romanam  sedem.  Quum  ergo  pertinaciter  tota,  quam  vocat,  occidentalis  ecclesia  defendat  quidquid  impietatum  merito  detestamur,  sublata  erit  tota  inquirendi  libertas.  Quantumvis  enim  probabili  ratione  oppugnes  quod  videbitur2)  non  esse  rationi  consentaneum,  ingeretur,  clypei  instar,  maioris  partis  consensus.  At  sententiam  hanc  prudenter  [pag.  37]  temperat  censor,  dum  probabilem  confirmationem  exigit  e  sacris  literis.  Nugae.  Nulla  enim  tam  crassa  in  quaestionem  veniet  absurditas:  cui  non  inducant  colorem.  Missam  si  sacrilegium  esse  dicamus,  in  qua  fingunt  Christum  immolari  probabilis  suppetet  ratio  quod  Melchisedech  obtulerit  panem  et  vinum,  et  propheta  denunciet  ab  ortu  1)  Beza  et  Amst.  consensus.  2)  Beza  et  Amst.  videtur.