35:536  qu'il  daigne  bien  estendre  sa  providence  iusques  yci  bas,  afin  de  nous  gouverner  en  ceste  vie  transitoire  et  caduque,  que  nous  ne  doutions  point  quand  nous  parviendrons  iusques  a  luy,  qu'alors  nous  contemplerons  face  a  face  ce  que  nous  voyons  maintenant  obscurement  et  en  petite  portion.  Et  ainsi  le  Roy  Ezechias  remet  le  tout  a  Dieu:  comme  s'il  disoit,  Helas  il  est  vray  que  ie  suis  yci  comme  pour  contempler  clairement  les  graces  de  Dieu,  mais  cependant  ie  voy  que  tout  cela  m'est  comme  ravi,  car  il  semble  que  Dieu  m'ait  voulu  despouiller  de  ce  qu'il  m'avoit  donne  auparavant,  et  qu'il  ne  me  reste  sinon  tout  desespoir,  d'autant  qu'il  m'a  quitte  et  renonce.  Il  m'a  envoye  son  Prophete  avec  ce  message,  que  c'est  fait  de  moy.  Helas  et  quand  ie  n'appercoy  plus  de  signe  de  la  bonte  de  mon  Dieu,  ne  qu'il  desploye  sa  puissance  pour  me  soulager  en  mes  afflictions,  quand  mesmes  ie  suis  es  angoisses  de  la  mort?  Voyla  pas  donc  grand'  pitie  que  nostre  Seigneur  m'a  abandonne  la  et  que  ie  soye  retranche  de  luy?  Or  de  la  nous  avons  a  recueillir  que  soit  en  la  vie,  soit  en  la  mort,  il  faut  tousiours  que  ceste  grace  seule  nous  suffise,  c'est  assavoir  que  Dieu  nous  donne  sentiment  de  sa  bonte:  et  quand  il  nous  monstre  qu'il  nous  est  propice,  marchons  hardiment,  et  s'il  nous  faut  languir  en  ceste  vie,  et  bien  portons  cela  patiemment.  Vray  est  que  nous  pourrons  bien  gemir  et  souspirer  d'estre  captifs  en  ceste  prison  de  peche.  Et  puis  nous  pourrons  bien  d'autre  coste  gemir,  voyant  les  afflictions  que  Dieu  nous  y  envoye:  mais  tant  y  a  que  nous  ne  laisserons  point  de  tousiours  benir  le  nom  de  Dieu,  et  nous  resiouir  en  luy  au  milieu  de  toutes  nos  fascheries,  quand  nous  sentirons  qu'il  nous  sera  Pere,  et  qu'il  nous  avouera  aussi  pour  ses  enfans.  En  la  mort  nous  contemplerons  la  vie  eternelle  qui  nous  fera  oublier  tous  regrets:  tellement  que  nous  ne  dirons  plus,  Helas,  que  feray-ie?  comment  me  gouvernerayie?  ou  iray-ie?  Nous  coupperons  broche  a  toutes  ces  choses  la.  Nous  ne  dirons  plus  aussi,  Ne  bevray-  ie  plus,  ne  mangeray-ie  plus?  c'est  a  faire  a  bestes  brutes,  mais  maintenant  ie  vois  que  mon  Dieu  approche  de  moy,  ie  m'en  vay  doncques  prosterner  devant  luy,  ie  m'en  vay  rendre  entre  ses  mains,  et  me  ranger  a  luy  comme  a  mon  pere.  Quand,  di-ie,  nous  serons  ainsi  disposez,  nous  pourrons  dire  avec  David,  Seigneur  ie  te  recommande  mon  esprit.  David  a  dit  cela  durant  sa  vie,  mais  nostre  Seigneur  Iesus  Christ  nous  monstre  qu'il  nous  le  faut  dire  aussi  quand  Dieu  nous  retire  de  ce  monde.  Et  au  reste  qnand  nous  pensons  a  tous  les  benefices  de  Dieu,  que  nous  apprenions  aussi  de  le  glorifier:  comme  ce  sont  choses  inseparables.  Selon  donc  que  Dieu  nous  fait  participans  de  ses  graces,  et  que  desia  en  partie  il  nous