25:536  16.  Cui  responderunt.  Apparet  nimis  fuisse  sibi  deditos,  quia  tergiversantur  quoad  possunt,  ne  rationi  a  Iosua  propositae,  qua  tamen  nihil  aequius  erat,  obtemperent.  Montem  squalidum  esse  et  quasi  desertum  obiiciunt.  Ita  ubi  illis  accesserit,  minimum  tamen  utilitatis  inde  sensuros.  Quantum  ad  planitiem,  quae  culta  erat  et  fertilis,  excipiunt  se  ab  ea  excludi  et  arceri  propter  formidabilem  hostium  apparatum.  Itaque  commemorant  currus  ferreos:  ac  si  non  ante  experti  fuissent  Deum  nullo  negotio  conterere  tam  currus,  quam  equites.  Verum  Iosue  simplici  cordatoque  responso  tam  eorum  avaritiam,  quam  delitias,  torporemque  probe  castigat.  Si  tibi  sylva  hodie  non  satis  fructuosa  est,  caesis  arboribus  conficies  tibi  bonos  agros:  ita  modo  ne  labori  parcas,  erit  haec  non  poenitenda  habitatio.  Currus  porro  ferrei  non  impedient  quominus  tibi  praestet  Deus  quod  promisit.  Tua  est  haereditas  :  solum  qua  decet  fiducia  in  eam  ingredere.  CAPUT  XVIII.  1.  Congregata  est  autem  universa  multitudo  filiorum  Israel  in  Silo,  et  collocaverunt  ibi  tabernaculum  conventionis,  postquam  terra  subiecta  erat  coram  eis.  2.  Remanserant  autem  e  filiis  Israel  quibus  non  diviserant  haereditatem  suam,  septem  tribus.  3.  Dixitque  Iosue  ad  filios  Israel:  Usquequo  cessatis  ingredi,  ut  possideatis  terram  quam  dedit  nobis  Iehova  Deus  patrum  vestrorum?  4,  Tradite  ex  vobis  tres  viros  per  tribumy  quos  mittam:  surgentque  et  ambulabunt  per  terram,  describentque  eam  iuxta  haereditatem  suam,  postea  revertentur  ad  me.  5.  Et  partientur  eam  in  septem  portiones:  Iudas  stabit  in  finibus  suis  a  meridie:  et  familiae  Ioseph  stabunt  in  finibus  suis  ab  aquilone.  6.  Vosque  describatis  terram  in  septem  partes,  et  afferatis  ad  me  huc:  tum  proiiciam  vobis  sortem  hic  coram  Iehova  Deo  nostro.  7.  Non  est  enim  pars  Levitis  in  medio  vestri,  quia  sacerdotium  Iehovae  est  haereditas  eius:  Gad  autem  et  Ruben,  et  dimidia  tribus  Manasse  acceperunt  haereditatem  suam  citra  Iordanem  ad  orientem,  quam  dedit  ei  Moses  servus  Iehovae.  8.  Surrexeruntque  viri  Uli,  atque  abierunt,  praecepitque  Iosue  istis  qui  ibant,  ut  describerent  terram,  dicendo:  Ite  et  ambulate  per  terram,  ac  describite  eam:  postea  revertemini  ad  me,  et  hic  proiiciam  vobis  sortem  coram  Iehova  in  Silo.  9.  Abierunt  itaque  viri,  et  transierunt  per  terram,  atque  descripserunt  eam  per  urbes  in  septem  partes,  in  libro,  reversique  sunt  ad  Iosuam  ad  castra  in  Silo.  10.  Misit  autem  eis  Iosua  sortem  in  Silo  coram  Iehova:  partitusque  est  ibi  Iosua  terram  filiis  Israel  secundum  partes  eorum.