5:535  ACTES  DE  RATISBONNE.  et  au  commun  accord  de  tous  ceux  qui  craignent  Dieu,  qui  est  la  testification  universelle  du  8.  Esprit,  firmament  de  verite:  comme  dict  l'Apostre  a  ce  propoz  (1  Tim.  3,  15),  que  l'Eglise  est  la  colomne  et  establissement  de  verite.  Car  l'authorite  souveraine  d'interpreter  les  Escriptures,  a  laquelle  n'est  licite  de  contredire,V  ne  gist  point  en  chascun  membre  particulierement,  mais  en  tout  le  corps  de  l'Eglise:  laquelle  non  seulement  a  separe  les  livres  naturelz  de  la  saincte  Escripture  d'avec  ceux  qui  estoient  faulsement  mis  au  lieu  d'iceux:  mais  aussi  nous  a  enseigne  la  vraye  et  naturelle  interpretation  d'icelle  saincte  escripture  en  poinctz  necessaires.  Comme  ce  que  nous  confessons,  que  c'est  une  mesme  nature  et  essence  du  Pere,  Filz  et  du  8.  Esprit,  en  trois  personnes,  et  qu'en  Christ  n'y  a  qu'une  personne,  et  deux  natures.  Telles  et  plusieurs  aultres  choses,  sont  plus  expliquees  par  l'interpretation  des  Escriptures,  qu'elles  ne  sont  exprimees  par  les  propres  parolles  d'icelles:  toutesfoys  en  tant  quelles  estoient  enveloppees  es  parolles  de  l'escripture,  toute  l'Eglise  Catholique  les  a  receues.  De  la  vient  qu'Athanaise  dict,  que  la  coustume  de  la  discipline  Ecclesiastique  est  tousiours  telle  que  si  d'aventure  quelque  nouvelle  doctrine  des  heretiques  s'eslieve,  pour  obvier  aux  nouveaultez  des  questions  inusitees,  qu'elle  change  les  vocables  des  noms,  les  choses  tousiours  permanentes,  [fol.  27]  sans  aucune  mutation,  et  que  iceux  vocables  plus  clairement  expriment  les  natures  des  choses,  lesquelles  toutesfoys  conviennent  aux  vertuz  des  causes  existentes  et  demonstrent  plus  qu'elles  ont  este  d'antiquite,  qu'ilz  ne  mettent  aultre  mesure  de  nouveau.  Iusque  icy  ledict  Athanaise  a  parle.  Et  Irenee  dit  une  belle  sentence,  quand  il  dit  ainsi:  S'il  y  a  quelque  doubte  sur  une  question,  il  fault  avoir  recours  aux  Eglises  les  plus  anciennes:  esquelles  les  Apostres  ont  converse,  et  d'icelles  prendre  la  certitude  touchant  la  question.  Car  (comme  il  dit  puis  apres)  si  mesme  les  Apostres  ne  nous  eussent  laisse  escriptures,  ne  nous  eust  il  pas  faillu  suyvir  l'ordre  de  la  doctrine,  laquelle  ilz  ont  enseigne  a  ceux  auxquelz  ilz  donnoient  charge  des  Eglises?  Auquel  mesme  les  Barbares  se  sont  accordez,  ayant  en  leurs  coeurs  leur  salut  escript  sans  encre,  et  ce  par  l'esprit.  Or  il  est  tout  clair  et  manifeste,  que  les  tesmoings  idoynes  de  ceste  authorite,  laquelle  l'Eglise  obtient  quand  a  l'interpretation  de  l'Escripture,  qui  gist  au  commun  et  universel  accord  de  l'Eglise  en  toutes  choses:  sont  premierement  les  conciles,  puis  apres  les  escrivains  Ecclesiastiques  de  tout  temps,  i'entend  de  ceux  qui  ne  sont  point  de  foy  suspecte,  quand  ceux  tous  d'un  accord  nous  instruisent  et  enseignent,  quelque  doctrine  estre  procedee  des  Apostres,  et  ainsi  parvenue  a  nous,  et  avoir  este  tousiours