48:535  535  IN  ACTA  APOSTOLORUM  536  22.  Agrippa  autem  dixit  ad  Festum:  Volebam  et  ipse  hominem  audire.  Cras,  inquit,  audies  eum.  23.  Postero  autem  die  quum  venisset  Agrippa  et  Bernice  cum  multo  apparatu,  et  introisset  in  auditorium  cum  tribunis  et  viris  principalibus  civitatis:  iubente  Festo  adductus  est  Paulus.  24.  Et  dicit  Festus:  Agrippa  rex,  et  omnes  qui  simul  adestis  nobiscum  viri,  videtis  hunc  hominem,  de  quo  omnis  multitudo  Iudaeorum  interpellavit  me  et  Ierosolymis  et  hic,  .  acclamantes  non  oportere  eum  vivere  amplius.  25.  Ego  vero  comperi  nihil  dignum  morte  eum  admisisse.  Et  quia  ipse  provocavit  ad  Augustum,  statui  mittere  eum.  26.  De  quo  quid  certum  scribam  domino,  non  habeo.  Quapropter  produxi  eum  ad  vos,  et  maxime  ad  te,  rex  Agrippa,  ut  examinatione  facta  habeam  quod  scribam.  27.  Absurdum  enim  mihi  videtur  mittere  vinctum,  et  crimina  de  quibus  accusatur  non  indicare.  22.  Volebam  et  ipse.  Hinc  coniicere  licet  Agrippam  sic  fuisse  cupidum  audiendi  Pauli,  ut  tamen  studium  suum  profiteri  erubuerit,  ne  putaret  Festus  alia  de  causa  quam  ob  salutationis  officium  venisse.  Ac  fieri  quidem  potest,  ut  non  sola  eum  curiositas  impulerit  ut  Paulum  audire  cuperet:  sed  quia  sperabat  se  profecturum  ex  eius  sermone.  Quam  tamen  frigide  appetat,  hinc  colligere  promptum  est,  quod  passus  est  multos  dies  effluere,  quibus  nullum  desiderii  signum  ostendit:  quia  scilicet  terrenis  com"  modis,  quae  ducebat  potiora,  magis  erat  imbutus.  Nec  ante  verbum  facere  ausus  est  vel  curavit  quam  ultro  eum  invitaret  Festus.  Ita  producitur  sanctus  Christi  minister  in  spectaculum,  ut  hospitem  suum  exhilaret  profanus  homo:  nisi  quod  Agrippae  et  comitum  eius  consilio  instrui  vult  Festus,  ut  diligentiam  suam  Caesari  probet.  Sed  res  arcana  Dei  providentia  in  alium  finem  conversa  est.  Neque  enim  dubium  est  quin  longe  lateque  sparsus  fuerit  rumor,  qui  ad  piorum  confirmationem  non  parum  valebat.  Ac  fieri  etiam  potest  ut  tacti  fuerint  aliqui  ex  auditoribus,  ac  fidei  semen  conceperint,  quod  postea  suo  tempore  fructum  protulit.  Caeterum,  ut  nemo  illorum  sincere  et  ex  animo  Christum  amplexus  fuerit,  hic  tamen  non  vulgaris  fuit  profectus,  quod  detecta  hostium  malitia  sedati  sunt  imperiti,  ne  tanto  odio  contra  evangelium  arderent:  pudefacta  fuit  impietas,  et  fideles  collecto  novo  vigore  magis  ac  magis  in  evangelio  confirmati  sunt.  23.  Postero  autem  die.  Non  veniunt  Agrippa  et  soror  tanquam  humiles  Christi  discipuli:  sed  pompam  et  splendorem  afferunt  qui  aures  illis  obturet  oculosque  perstringat.  Et  credibile  est  cum  magnifico  isto  apparatu  coniunctum  fuisse  parem  animi  fastum.  Itaque  mirum  non  est  si  perducti  non  fuerint  ad  Christi  obsequium.  Videtur  tamen  ideo  splendoris  facta  mentio  a  Luca,  ut  sciremus