35:535  535  PREMIER  SERMON  536  pas  que  Dieu  ha  regard  a  nostre  infirmite,  afin  que  nous  ayons  repos,  et  que  nous  soyons  aucunement  soulagez?  Dieu  donc  en  cachant  ainsi  son  soleil  la  nuit,  ne  se  monstre-il  pas  nostre  Pere?  Apres  quand  nous  voyons  que  la  terre  produit  ses  fruits  pour  nostre  nourriture,  quand  nous  voyons  les  pluyes  et  tous  les  changemens  et  mutations  qui  sont  en  nature,  en  tout  cela  n'appercevons  nous  point  comme  Dieu  ha  sa  main  estendue  pour  nous  attirer  tousiours  a  soy,  et  comme  il  se  nostre  desia  Pere  liberal  envers  nous,  et  que  nous  iouissons  des  benefices  temporels  qu'il  nous  fait,  afin  que  par  ce  moyen  nous  soyons  attirez  plus  haut,  c'est  ascavoir  a  cognoistre  qu'il  nous  a  adoptez,  afin  que  nous  parvenions  a  la  plenitude  de  ioye  et  de  toute  felicite,  quand  nous  serons  conioints  plenement  a  luy?  Voyla  donc  a  quoy  il  nous  faut  rapporter  toute  nostre  vie,  si  nous  ne  voulons  qu'elle  soit  maudite,  et  qu'autant  d'ans  et  de  mois  et  de  iours  et  d'heures  et  de  minutes  que  nous  aurons  vescu  yci  bas,  que  cela  viene  en  conte  pour  tousiours  augmenter  et  enflammer  la  vengeance  de  Dieu  sur  nous.  Et  pourtant  scachons  qu'il  nous  faut  yci  contempler  les  oeuvres  de  Dieu,  car  voyla  aussi  pourquoy  nous  sommes  mis  en  ce  monde.  Et  voyla  pourquoy  au  5.  chapitre  quand  le  Prophete  a  voulu  redarguer  les  Iuifs  d'une  brutalite  vileine,  Ils  n'ont  point,  dit-il,  contemple  les  oeuvres  de  Dieu.  Il  parle  de  leurs  yvrongneries,  de  leurs  gourmandises  et  dissolutions,  mais  le  comble  du  mal  c'est  qu'ils  n'ont  point  contemple  les  oeuvres  de  Dieu.  Ainsi  maintenant  le  bon  Roy  Ezechias  nous  monstre  qu'il  vaudroit  mieux  que  nous  fussions  tous  avortez,  et  que  la  terre  s'ouvrist  quand  nous  sortons  du  ventre  de  la  mere,  pour  nous  engloutir,  que  de  vivre  yci  bas,  sinon  d'autant  que  nous  y  voyons  desia  nostre  Dieu,  non  pas  que  nous  en  ayons  une  veue  parfaite,  mais  en  premier  lieu  il  se  monstre  a  nous  par  sa  Parole:  (c'est  le  vray  miroir)  et  puis  nous  avons  et  haut  et  bas  tant  de  signes  de  sa  presence  et  du  soin  paternel  qu'il  ba  de  nous,  que  si  nous  ne  sommes  par  trop  stupides  et  du  tout  desprouveus  d'intelligence  et  de  raison,  il  faut  bien  que  nous  le  voyons.  Car  tout  le  monde  est  comme  une  image  vive  en  laquelle  Dieu  desploye  sa  vertu  et  sa  hautesse,  et  puis,  ce  que  nous  sommes  gouvernez  sous  sa  main,  cela  nous  est  encores  un  tesmoignage  plus  familier  de  sa  iustice,  de  sa  grace  et  de  sa  misericorde.  Apprenons  donc  de  vivre  a  ceste  condition  la,  c'est  de  nous  exercer  a  ce  que  nous  adorions  Dieu  comme  celuy  qui  nous  a  creez  et  formez:  et  puis  que  nous  luy  portions  honneur  et  reverence  comme  a  nostre  Pere,  et  qu'en  goustant  les  biens  qu'il  nous  eslargit  maintenant,  nous  soyons  confermez  en  la  foy  de  la  vie  celeste.  Et  puis