32:535  535  CINQUIEME  SERMON  536  apres  nous  avoir  donne  le  vouloir,  il  faut  qu'il  donne  aussi  le  parfaire,  ainsi  que  dit  sainct  Paul:  et  quil  face  tout,  non  point  pour  remunerer  ce  bon  vouloir,  ou  quelque  bonne  preparation  qui  soit  en  nous,  mais  qu'il  le  face  selon  son  bon  plaisir,  c'est  a  dire,  d'une  misericorde  gratuite.  Et  au  reste,  advisons  aussi  de  nostre  coste,  quand  nous  voudrons  obtenir  une  telle  grace  de  Dieu:  c'est  ascavoir,  qu'il  nous  meine  en  la  voye  de  ses  sentiers,  que  nostre  coeur  soit  la  que  nous  ne  soyons  point  si  mal-heureux  d'abandonner  Dieu,  de  le  despiter,  et  d'esteindre  ceste  clarte  qu'il  aura  mise  en  nous.  Car  autrement,  si  nous  sommes  tousiours  addonnez  aux  vanitez  de  ce  monde,  comme  nous  avons  accoustume,  et  que  nous  ne  tenions  conte  de  toutes  les  graces  que  Dieu  nous  fera:  c'est  bien  raison,  qu'il  nous  en  prive,  et  qu'il  nous  en  destitue,  voire  et  qu'il  retire  son  Esprit  de  nous,  encores  qu'auparavant  nous  en  ayons  este  illuminez.  Ii  adiouste  consequemment,  Encline  mon  coeur  a  tes  tesmoignages  j  et  non  point  a  V  avarice.  Yci  nous  voyons  comme  desia  il  a  este  expose,  qu'il  faut  que  Dieu  gouverne  toutes  les  parties  de  l'homme  :  que  ce  n'est  point  assez  qu'il  luy  donne  bon  esprit  a  ce  qu'il  puisse  iuger  et  discerner  ce  qui  est  bon,  mais  il  faut  aussi  que  son  courage  y  soit  attache.  Il  a  dit  auparavant,  Donne-moy  esprit:  et  maintenant,  Encline  mon  coeur  a  tes  tesmoignages.  Et  pourquoy  encliner?  Notons  que  c'est  l'office  de  "Dieu,  d'encliner  nos  coeurs  a  ses  ordonnances,  ou  autrement,  ils  tireront  tout  au  rebours.  Car  si  nous  estions  disposez  de  nous-mesmes  a  cheminer  selon  Dieu,  pour  retenir  et  concevoir  tout  le  contenu  de  sa  Parole,  David  ne  luy  feroit  point  ceste  requeste,  ou  il  parleroit  en  fiction  et  mensonge.  Quand  doncil  demande  a  Dieu,  qu'il  encline  son  coeur  a  bien:  c'est  autant  comme  s'il  confessoit,  Seigneur,  il  n'est  point  en  moy  ny  en  nulle  creature  mortelle,  de  cheminer  comme  tu  commandes:  car  nos  coeurs  sont  pervers  du  tout.  Il  n'y  a  en  nous  que  rebellion  contre  toy,  et  iamais  nous  ne  cheminerons  en  ton  obeissance,  iamais  nous  ne  pourrons  nous  y  renger,  sinon  que  tu  y  mettes  la  main,  et  que  tu  enclines  la  nos  courages.  Nous  voyons  donc  quelle  est  la  condition  de  la  nature  humaine,  et  sa  rebellion  a  l'encontre  de  Dieu,  iusqu'a  tant  qu'il  ait  amolli  ceste  durte  qui  est  en  nous,  et  que  nous  ayons  apprins  de  ��porter  son  ioug:  brief,  que  nous  ayons  les  coeurs  tellement  abbatus  et  humiliez,  que  nous  apprenions  de  hayr  le  mal,  et  de  desirer  le  bien.  Voyla  ce  qui  nous  est  monstre  en  premier  lieu,  par  ce  passage.  Or  quand  David  parle  yci  de  l'avarice,  il  monstre  que  ce  sont  choses  incompatibles,  de  suyvre  la  Parole  de  Dieu,  et  d'estre  addonne  aux  biens  de  ce  monde.  Il  est  vray,  qu'il  met  yci  une  espece  pour