9:534  (Ioann.  1  1.  14).  Ridet  censor  noster:  et  probabile  est  simas  nares  suo  more  contraxisse,  dum  rationes  Arii  tam  perspicuae  sententiae  opponit.  Si  quid  unquam  humana  lingua  diserte  expressum  est:  ubi  sermo  vocatur  Deus,  haec  loquutio  clare  sonat  essentiam:  [pag.  24]  ubi  autem  additur,  fuisse  apud  Deum,  hypostasis  palam  monstratur.  Nunc  quid  fidei  meretur  qui  et  aeternam  Christi  essentiam  et  hypostaticam  a  patre  distinctionem  scripturae  testimonio  spoliat?  Similis  impudentia  in  aliis  quos  recitat  locis.  In  utramque  partem  probabiliter  torqueri  posse  garrit  quod  scriptum  est,  Verbum  carnem  esse  factum,  nisi  traditio  patrum  succurrat.  Quasi  vero  non  perspicue  statuatur  una  Christi  persona  in  duabus  naturis.  Nam  si  Deus  factus  est  homo,  convicta  est  de  duplici  Christo  Nestorii  impietas.  Discernitur  [pag.  25]  etiam  increata  deitas  ab  humanitate  creata.  Quod  si  contra  vel  Eutyches,  vel  Servetus  insurgant,  ac  cavillentur  verbum  esse  conversum  in  carnem,  in  promptu  est  solutio:  sic  esse  Deum  manifestatum  in  carne,  ut  in  Christo  habitaverit  plenitudo  deitatis,  ut  caro  fuerit  Dei  templum.  Quid  ergo  opus  erit  mutuari  aliunde  quod  nobis  τὸ  ἔγγραφον  suppeditat?  Censori  ambigua  est  ae  aenigmatica  propositio:  Ego  et  pater  unum  sumus  (Ioann.  10,  30).  Potentiam  suam  ut  commendet  Christus,  in  cuius  fiduciam  recumbit  piorum  securitas,  se  cum  patre  unum  esse  asserit.  Cuius  impudentiae  est,  sensum  apertissimis  [pag.  26]  verbis  detrahere,  ac  si  confusus  tantum  sonus  a  spiritu  sancto  editus  foret?  Et  certe  male  nobiscum  ageretur,  nisi  firma  ex  lege,  prophetis  et  evangelio  nobis  religio  constaret.  Negat  bonus  censor,  doctrinam  illic  comprehensam  mederi  posse  erroribus.  Quid  autem  Isaias?  Quum  multiplici  superstitionum  labe  vitiatus  esset  Dei  cultus,  et  veritas  mendaciis  obruta,  ut  remedium  adhibeat  tantis  malis,  non  nisi  ad  legem  et  testimonium  suos  revocat  (Ies.  8,  20)  Quo  dilucidius  tota  pietatis  summa  in  evangelio  patefacta  et  exposita  fuit,  illic  haud  dubio  liquidior  suggeritur  omnium  [pag.  2  7]  errorum  dilutio.  Quare  Paulus  (Ephes.  6,  17)  ecclesiam  ad  omnes  pugnas  instruens,  satis  habet  vocare  Dei  verbum  gladium  spiritualem.  Traditionis  non  scriptae,  nulla  mentio.  Verum  in  quem  labyrinthum  nos  coniicere  velit  impostor,  prudenter  expendant  lectores,  ut  sibi  caveant.  Fatetur  veram  esse  et  catholicam  doctrinam  quae  sacris  literis  est  expressa:  sed  pari  fidei  integritate  amplectendam  esbe  ducit,  quae  ex  earum  mente  et  intelligentia  ab  ipsis  usque  apostolorum  temporibus  tradita  ad  nos  pervenit.  Terum  cuius  erit  momenti,  verum  censeri  cuius  absconditus  sit  [pag.  28]  sensus?  Catholica  sit  veritas  quidquid  scripturis  continetur.  Verum  si  quid  in  controversiam  vocetur,  quia  flexibile  est  τὸ  ἔγγραφον  instar  34*