37:534  gulati  sunt  multi  prophetae.  Hoc  quidam  exponunt  de  falsis  doctoribus,  quasi  diceret  propheta,  imputandum  esse  sceleribus  populi,  quod  prophetae  iustas  poenas  dederint,  quoniam  falsi  erant  ac  mendaces:  "  et  insistunt  in  voce  una,  nempe  quia  vocantur  ipsorum  prophetae:  ideo  dicit  Hieronymus  prophetas  vestros,  non  meos:  ac  si  Deus  negaret  mandatum  ullum  se  illis  dedisse.  Sed  hoc  nimis  est  coactum.  Tenendum  igitur  est  quod  dixi,  nempe  quum  vellet  Deus  mederi  populi  sui  vitiis,  prophetas,  qui  salutis  ministri  erant,  fuisse  crudeliter  a  populo  ipso  occisos:  et  optime  huic  expositioni  quadrat  similitudo  quae  sequitur,  Quasi  leo  vastator.  Dicit  enim  Deus  perinde  saeviisse  Iudaeos  contra  prophetas,  ac  si  ingressi  essent  in  aliquam  sylvam  plenam  leonibus.  Nunc  sequitur,  31.  Generatio,  vos  videte  verbum  Iehovae,  an  desertum  fui  Israel  ?  an  terra  caliginis  ?  Quare  dixerunt  populus  meus  (hoc  est,  dixit,  sed  plurali  utitur,  quia  est  nomen  collectivum),  dominati  sumus  (alii  recessimus),  non  veniemus  amplius  ad  te?  Non  dubium  est,  quin  personam  admirantis  suscipiat  propheta,  quo  magis  detestabile  reddat  crimen  populi.  Nam  quasi  attonitus  dicit,  Generatio.  Nomen  HH,  quemadmodum  satis  notum  est,  significat  aetatem.  Perinde  igitur  est  ac  si  dixisset,  Ad  quod  tempus  recidimus?  vol  quo  saeculo,  vel  qua  aetate  nunc  vivimus?  Nunc  ergo  tenemus  vim  huius  vocis.  Postea  adiungit,  Vos  videte  sermonem  Domini.  Videtur  hoc  esse  improprie  dictum.  Nam  debuerat  potius  dicere,  Attendite,  vel  auscultate,  vel  audite.  Iubet  ipsos  videre,  sed  optime  convenit  haec  loquutio:  neque  enim  hic  requirit  a  populo  audientiam  sed  potius  defert  cognitionem:  quasi  diceret,  Vos  ipsi  perspicite  quale  hoc  sit  quod  Dominus  pronuntiat,  et  emphatice  etiam  ponitur  particula  Ofitt,  vos  ipsi,  inquit.  Nam  merito  poterant  damnari  Iudaei  a  cunctis  gentibus,  si  adducti  fuissent  in  iudicium.  Sed  propheta  ostendit  quamlibet  caeci  sint,  tamen  posse  oculis  suis  conspicere  quod  Dominus  dicit.  Non  agitur  hic  de  doctrina,  sed  de  re  ipsa:  quasi  diceret,  Dominus  per  me  vobiscum  expostulat,  etiam  si  nulli  adsint  testes:  nemo  iudex,  vel  arbiter,  vos  ipsi  potestis  cognoscere  rem  totam.  Videmus  ergo  quam  apte  loquutus  sit  propheta,  quum  iuberet  ipsos  videre  sermonem  Iehovae:  nam  postea  subiicit,  An  desertum  fui  Israel?  ubi  constituit  Iudaeos  ipsos  huius  causae  arbitros  ac  iudices,  an  non  experti  sint  Dei  beneficentiam,  ac  deseruerint  ipsum,  quemadmodum  ante  conquestus  est,  quum  tamen  esset  fons  aquae  vivae,  et  fuderint  sibi  cisternas  perforatas.  Itaque  dicit,  Unde  factum  est,  ut  a  me  discesserit  ?  an  frustra  vobis  promisi  me  fore  liberalem  et  beneficum?  an  vos  frustratus  34*