35:534  pour  purger  tout  son  pays  de  toutes  superstitions  et  idolatries.  On  suscitoit  beaucoup  d'alarmes  a  l'encontre  de  luy,  et  mesmes  qu'il  y  pouvoit  avoir  quelque  revolte:  mais  cela  ne  le  destourne  point  qu'il  ne  remette  au  dessus  la  vraye  religion  et  pure,  et  en  sa  vie  privee  il  n'a  cherche  autre  chose  sinon  que  Dieu  fust  glorifie  en  tout  et  par  tout.  Et  toutesfois  voyci  Dieu  qui  le  vient  assaillir,  voire  et  d'une  facon  estrange:  car  ii  est  comme  un  lion  qui  luy  brise  les  os.  Ainsi  quand  nous  voyons  qu'Ezechias  est  ainsi  traitte,  ne  faut-il  pas  que  nous  apprenions  de  porter  patiemment  les  corrections  que  Dieu  nous  envoyera?  voyla  donc  ce  que  nous  avons  a  retenir  a  ce  passage.  Or  au  reste  quelques  passions  qu'Ezechias  endure,  et  combien  qu'il  sorte  yci  hors  des  gons,  si  est-ce  toutes  fois  que  parmi  cela  ii  declare  l'amour  qu'il  avoit  envers  Dieu  et  qu'il  n'appetoit  point  la  vie  presente  a  la  facon  de  ceux  qui  y  sont  abbrutis,  et  qui  ne  cherchent  qu'a  boire  et  a  manger  et  ne  scavent  pourquoy  ils  sont  creez,  sinon  pour  plaisanter  yci  quelque  temps.  Ezechias  donc  monstre  bien  qu'il  a  este  mene  d'un  autre  esprit.  Il  dit  donc,  Pay  dit  en  la  coupure  de  mes  iours.  Ie  descendray  aux  portes  du  sepulchre,  ie  ne  verray  plus  le  Seigneur,  voire  le  Seigneur.  Il  parle  bien  yci  de  sa  vie,  quelle  sera  coupee  au  milieu  de  son  cours:  mais  cependant  ii  monstre  qu'il  n'appete  point  de  vivre  pour  estre  yci  a  son  aise.  Il  estoit  Roy,  et  pouroit  tenir  bonne  table,  il  pouvoit  avoir  beaucoup  de  voluptez  et  plaisirs  en  ce  monde:  il  pouvoit  brief  s'enyvrer  en  toutes  delices.  Il  ne  regrette  point  tout  cela:  mais  il  dit  qu'il  ne  verra  plus  le  Seigneur:  et  ne  se  contente  pas  d'avoir  prononce  ce  mot  un  coup,  mais  il  le  reitere  pour  plus  grande  vehemence.  Le  Seigneur,  voire  le  Seigneur,  dit-il.  Par  cela  il  monstre  que  sa  vie  ne  luy  est  point  tant  desirable,  sinon  d'autant  qu'il  s'exercoit  yci  bas  a  cognoistre  que  Dieu  estoit  son  Pere,  et  se  confermer  de  plus  en  plus  en  ceste  foy-la.  Notons  bien  donc  a  quoy  se  rapporte  nostre  vie:  c'est  que  nous  appercevions  que  Dieu  desia  en  partie  se  monstre  Pere  envers  nous.  Il  est  vray  (comme  i'ay  desia  dit)  que  nous  sommes  absens  de  luy:  car  nostre  salut  gist  en  foy  et  en  esperance.  Il  est  donc  cache,  et  nous  ne  le  voyons  point  de  nostre  sens  naturel,  mais  cependant  si  est-ce  que  Dieu  ne  laisse  pas  d'envoyer  quelques  rayons  yci  bas  pour  nous  esclairer,  tellement  que  nous  sommes  conduits  a  l'esperance  de  la  vie  eternelle,  et  appercevons  que  Dieu  n'est  pas  si  eslongne  de  nous,  que  cependant  sa  main  ne  s'estende  yci  bas  pour  avoir  le  soin  de  nous,  et  pour  nous,  monstrer  par  experience  qu'il  nous  ha  en  sa  garde.  Car  quand  le  soleil  se  leve  le  matin,  ne  voyonsnous  pas  le  soin  paternel  que  Dieu  ha  de  nous?  Apres,  quand  il  se  couche  le  soir,  ne  voyons-nous  34*