32:534  Et  ie  vous  prie,  qui  sera  celuy  qui  en  pourra  venir  a  bout?  Mais  ta^nt  s'en  faut  que  nous  puissions  avoir  une  telle  integrite  en  nous,  que  nous  ne  pourrons  avoir  une  bonne  pensee,  sinon  que  Dieu  ait  change  nostre  perverse  nature,  laquelle  auparavant  seroit  du  tout  repugnante  a  sa  iustice.  Parquoy,  en  somme,  David  apres  avoir  demande  a  Dieu  qu'il  l'instruise,  afin  qu'il  observe  ses  commandemens  :  adiouste,  pour  plus  ample  confirmation,  A  ce  que  ie  garde  ta  Loy  en  tout  mon  coeur.  Comme  s'il  disoit,  Seigneur,  ie  scay  que  les  hommes,  comme  ils  sont  enflez  d'orgueil  et  d'outrecuidance,  cuideront  avoir  accomply  toute  la  Loy,  quand  ils  auront  fait  bonne  mine  qu'ils  auront  quelque  apparence  devant  le  monde:  s'il  n'y  avoit  que  cela,  encores  seroit-ce  trop  pour  moy,  attendu  que  tous  nos  membres  sont  si  bouillans  a  mal-faire,  qu'il  est  bien  difficile  de  les  contenir.  Mais  ce  ne  seroit  rien,  car  il  n'y  aura  qu'hypocrisie:  et  pource  que  tu  regardes  au  coeur,  il  faut  que  toutes  mes  passions  charnelles  soyent  abbatues,  et  que  ie  soye  tellement  renouvele,  que  ie  me  conforme  du  tout  a  ta  iustice.  Helas!  Seigneur,  s'il  faut  que  ie  vienne  la,  i'y  voy  une  chose  qui  m'est  plus  qu'impossible.  Et  ainsi,  il  faut  que  tu  besongnes  en  moy,  et  que  tu  m'enseignes  par  ton  Esprit.  Il  s'ensuit  au  troisieme  verset:  Conduy-moy  en  la  voye  de  tes  commandemens:  car  ie  Vay  desire.  Yci  nous  voyons  ce  qui  a  este  touche:  c'est  ascavoir,  que  David  ne  demande  point  que  Dieu  commence  a  le  mettre  au  bon  chemin:  car  desia  il  v  estoit  entre,  desia  il  avoit  poursuyvi  quelque  temps.  Et  de  fait,  ce  desir  est  desia  un  advancement  bien  grand  en  nous,  quand  nous  pouvons  demander  que  Dieu  nous  gouverne,  et  que  nous  preferions  ce  bien  a  tout  ce  qui  est  du  monde.  En  cela  monstronsnous  que  nous  avons  beaucoup  profite.  Or  David  proteste,  et  non  point  par  feintise,  qu'il  avoit  observe  ies  commandemens  de  Dieu:  toutesfois  si  demande-  il  que  Dieu  luy  donne  la  vertu  d'y  perseverer,  et  d'y  parvenir.  En  quoy  nous  voyons  que  ce  n'est  point  assez  que  Dieu  nous  donne  quelque  bon  mouvement,  comme  les  Papistes  imaginent,  que  quand  Dieu  aura  commence  et  nous  aura  mis  en  bon  train,  que  c'est  a  nous  puis  apres  de  faire  ce  que  bon  nous  semblera.  Nous  voyons  yci  au  contraire,  que  quand  Dieu  nous  aura  enseigne,  que  nous  aurons  este  dociles  du  commencement:  neantmoins  que  sa  grace  seroit  aneantie  a  cha*  cune  minute  de  temps,  n'estoit  qu'il  la  continuast.  Ainsi  en  premier  lieu,  quand  Dieu  nous  aura  instruits  pour  nous  faire  avoir  bonne  cognoissance,  il  faut  qu'il  nous  donne  bonne  affection.  Nous  l'a-il  donnee?  si  faut-il  encores  qu'il  la  continue,  et  qu'il  face  que  nous  ayons  un  desir  de  cheminer  selon  ses  commandemens.  Finalement,  34*