25:534  unam,  quum  ego  sim  populus  multus,  ita  quod  hucusque  benedixerit  mihi  Iehova?  15.  Dixitque  ad  eos  Iosue:  Si  populus  multus  es,  ascende  in  sylvam,  et  succide  tibi  illic  in  terra  Perizaei,  et  Bephaim,  si  angustus  est  tibi  mons  Ephraim.  16.  Cui  responderunt  filii  Ioseph:  Non  sufficiet  nobis  mons  ille:  et  currus  ferrei  sunt  in  omni  Chananaeo  qui  habitat  in  terra  vallis,  et  ei  qui  habitat  in  Bethsean  et  oppidis  eius,  et  ei  qui  habitat  in  valle  Iezrael.  17.  Dixitque  Iosue  ad  domum  Ioseph,  nempe  ad  Ephraim  et  Manasse,  dicendo:  Populus  multus  es,  et  fortitudo  magna  est  tibi:  non  erit  tibi  sors  unica:  18.  Mons  enim  erit  tibi,  quia  sylva  est:  succides  ergo  eam,  et  erunt  tibi  exitus  eius:  quia  expelles  Chananaeum,  quanquam  currus  ferrei  sint  ei,  quanquam  fortis  sit.  l  l  .  Fuitque  ipsi  Manasse.  Quomodo  ita  permixti  fuerint,  ut  quasdam  urbes  possederint  in  sorte  Aser  et  Issachar,  quum  intra  eorum  limites  habitaret  tribus  Ephraim,  divinare  facile  non  est:  nisi  quia  forte  prospectum  fuit,  ne  habitatio  commodior  obnoxior  esset  multis  querimoniis:  vel  forte  prout  deinde  certius  innotuit  tota  regio,  aliquid  secundum  aequitatis  regulam  in  superiori  partitione  mutatum  fuit.  Videtur  itaque  haec  nova  fuisse  accessio,  postquam  compertum  fuit  filios  Manasse  absque  aliorum  iactura  posse  dilatari.  Nec  vero  illis  data  est  pacata  habitatio,  qua  statim  fruerentur:  sed  haereditas  illis  sub  spe  reposita  fuit  ut  in  coelesti  promissione  magis  quam  in  terrena  possessione  acquiescerent.  Quod  tamen  urbibus  illis  potiti  non  sunt,  eorum  culpae  adscribitur:  quia  sors  illis  indubium  erat  pignus  victoriae.  Non  potuerunt  igitur  expellere  incolas,  quia  neque  ex  animo  fuerunt  persuasi,  Deum  esse  veracem,  et  eius  virtutem  sua  pigritia  suffocarunt.  Sed  alterum  crimen  minus  tolerabile:  quod  quum  illis  facile  esset  omnes  delere,  non  modo  segnes  fuerunt  in  exsequendo  Dei  mandato:  sed  turpi  lucro  adducti,  vivos  servarunt  quos  Deus  exitio  destinaverat.  Nam  quibus  tributum  imponimus,  eos  quodammodo  recipimus  in  fidem  nostram,  et  clientelam:  vindictae  suae  ministros  praefecerat  Deus,  vires  ad  eam  exercendam  suppeditat:  ipsi  autem  non  modo  cunctantur,  sed  bene  agendi  libertatem  sibi  eripiunt.  Nihil  ergo  mirum  si  Deus  perversam  adeo  socordiam  severe  ultus  fuerit:  ut  gentes  illae,  quibus  contra  manifestam  prohibitionem  ignoverant,  fuerint  similes  aculeis  ad  configendos  eorum  oculos,  et  stimulis  ad  fodienda  latera  (Num.  33,  55).  Emergit  etiam  hic  quaestio,  quomodo  concessae  illis  fuerint  urbes  in  tribu  Aser  et  Issachar,  quum  adhuc  incognita  esset  utriusque  portio.  Ergo  xaia  nqeXtjiptv  quod  nondum  impletum  erat  refertur.  Quidquid  sit,  colligimus  propter  ignorantiam  locorum  non  ita  exacte  divisas  fuisse  singulas  partes,  quin  necesse  fuerit  34*