6:533  REFORMANDAE  ECCLESIAE.  frivolasque  caeremoniarum  nugas  traducta:  sacramentorum  [pag.  140]  non  minus  exsecranda  pollutio.  Baptismus  multis  additamentis  deformatus:  sacrosancta  vero  coena  ad  omne  ignominiae  genus  prostituta  :  tota  religio  in  alienam  prorsus  formam  degeneravit.  Si  nos  ad  haec  curanda,  negligenter  adiicimus  animum,  non  obliviscitur  certe  sui  Deus.  Nam  qui  imminui  suum  honorem  ullo  modo  passurum  se  negat,  quomodo  eum  labefactari  et  destrui  pro  nihilo  duceret?  Qui  dissipationem  populis  omnibus,  apud  quos  defecerit  prophetia,  minatur,  quomodo  apertum  et  contumacem  prophetiarum  contemptum  inter  nos  impunitum  sineret?  Qui  levem  coenae  suae  maculam  tam  severe  vindicavit  in  Corinthiis,  quomodo  nobis  parceret,  si  eam  tot  nefandis  sacrilegiis  conspurcare  pergimus?  Qui  prophetarum  omnium  ore  ad  ulciscendam  idololatriam  armatum  se  testificatur  et  clamitat,  tot  idololatriae  portenta  an  intacta  in  nobis  relinqueret?  Et  certe  non  relinquit:  videmus  enim,  ut  nos  urgeat  et  insequatur  armata  manu.  Turcicum  nunc  bellum  omnium  in  se  mentes  convertit,  ac  trepidatione  implet.  Merito  id  quidem.  De  comparandis  ad  resistendum  praesidiis  consultatur.  Id  quoque  prudenter  fit  ac  necessario.  Festinatione  non  vulgari  opus  esse  clamant  omnes.  Fateor  nimiam  esse  non  posse,  modo  ne  interea  restituendae  in  suum  statum  ecclesiae  consultatio,  quae  prima  esse  debet,  vel  negligatur,  vel  retardetur.  Plus  enim  satis  morarum  interpositum  iam  fuit.  Intus  est,  in  visceribus  nostris  inclusa  belli  turcici  materia.  Eam  imprimis  tollere  oportet,  si  bellum  ipsum  feliciter  [pag.  141]  propulsare  cupimus.  Quamobrem  quoties  vobis  posthac  haec  vox  occinetur,  differendum  in  praesens  esse  reformandae  ecclesiae  negotium;  fore,  aliis  transactis,  satis  maturum