5:533  ACTES  DE  RATISBONNE.  ce  que  ie  reeongnoy  mon  iniquite  et  que  mon  peche  est  tousiours  contre  moy:  tu  me  aspergeras  d'hyssope  et  ie  seray  nettoie:  tu  me  laveras  et  ie  seray  plus  blanc  que  neige.  Tu  donneras  a  mon  ouye  ioye  et  liesse  et  mes  oz  abbatuz  s'esgayeront:  Renouvelle  en  mes  entrailles  un  esprit  de  droicture,  [fol.  24]  rendz  moy  la  liesse  de  ton  salut  etc.  Et  de  rechef  (Ps.  32,  4):  Pour  ce  que  ta  main  est  appesantie  sur  moy  de  iour  et  nuict,  en  ma  tribulation,  cependant  mes  reins  sont  poinctz,  ie  me  suis  retourne  a  toy.  Ie  t'ay  donne  a  congnoistre  mon  delict,  et  n'ay  point  cache  mon  iniustice.  I'ay  dict,  ie  confesseray  au  Seigneur  alencontre  de  moy,  mon  iniustice:  et  tu  as  remiz  l'impiete  de  mon  peche.  Nous  sommes  asseurez  de  ceste  remission,  par  le  tesmoignaige  de  l'esprit:  tout  ainsi  qu'en  la  iustification,  et  ce  au  sacrement  de  penitence,  duquel  la  force  consiste  en  ce  que  l'absolution  survient:  duquel  sacrement  puis  apres  il  fauldra  parler.  Pour  ceste  heure  nous  ne  parlerons  plus  de  penitence  apres  le  tresbuchement;  laquelle  est  faicte  en  la  seule  Eglise  dc  Christ  et  obtient  remission  des  pechez.  De  l'auctorite  de  TEgiise^  pour  discerner  et  interpreter  Fescripture.  O  Donc  l'authorite  de  l'Eglise  doit  estre  congneue  et  requise.  Et  pour  clairement  la  congnoistre,  il  fault  entendre  que  Dieu  au  commencement  pour  assembler  icelle  Eglise,  a  use  du  ministere  de  la  parolle  vocale,  non  escripte:  laquelle  il  a  voulu  estre  enseignee  et  communiquee  comme  de  main  en  main,  selon  ce  que  Christ  a  commande  a  ses  Apostres,  qu'ilz  allassent  par  le  monde  universel,  preschans  l'Evangile  a  toute  creature  (Matth.  28,  19).  De  laquelle  parolle  toutesfoys  externe  et  vocale,  Dieu  n'use  point  aultrement,  sinon  comme  d'un  instrument,  par  lequel  il  presente  ceste  parolle  interne,  laquelle  seule  ouvre  les  coeurs.  Puis  apres,  par  la  grace  de  Dieu,  Tescripture  a  este  adioincte,  tant  pour  subvenir  a  l'infirmite  humaine  prompte  a  cheoir  en  oubliance  et  erreur,  que  pour  obvier  aux  fraudes  du  Diable,  qui  tasche  tousiours  a  faire  esvanouyr  ceste  parolle.  Or  a  cause  que  Dieu  scavoit  bien  (comme  il  a  ia  este  dict)  qu'il  adviendroit,  que  le  Diable  par  toute  finesse  s'emploieroit  a  corrompre  ceste  vive  parolle  de  Dieu,  et  que  pour  ce  faire  il  suborneroit  les  hommes,  lesquelz  se  transfigurans  en  [fol.  25]  Anges  de  lumiere,  non  seulement  mettroient  en  avant  faulses  escriptures,  mesme  soubz  le  nom  et  1)  En  marge  on  lit:  Les  Coliocuteurs  des  protestans  ont  exhibe  leur  escript  sur  tout  cestuy  article,  signe  A.