40:533  533  IN  DANIELEM.  CAP.  I.  534  ruit,  tempus  praefigit,  quo  volebat  Deus  filium  suum  unigenitum  mundo  patefacere.  Quod  etiam  disserit  de  officio  Christi,  hoc  est  unum  ex  praecipuis  fidei  nostrae  capitibus.  Neque  enim  tantum  de  adventu  eius  verba  facit,  sed  praenuntiat  tunc  abolendas  esse  legis  umbras,  quia  scilicet  Christus  complementum  secum  adferet.  Et  ubi  praedicit  mortem  Christi,  simul  etiam  docet  in  quem  finem  mortem  sit  obiturus,  nempe  ut  sacrificio  suo  aboleat  peccatum,  et  conferat  aeternam  iustitiam.  Tandem  hoc  etiam  notandum  est,  quod  sicuti  veterem  populum  ad  tolerantiam  crucis  instruxerat,  sic  etiam  admonet,  non  fore  tranquillum  ecclesiae  statum,  ubi  Christus  fuerit  exhibitus:  sed  militandum  esse  filiis  Dei  usque  ad  finem,  nec  fructum  victoriae  sperandum  esse,  donec  resurgent  mortui,  et  Christus  ipse  colliget  nos  in  regnum  suum  coeleste.  Nunc  paucis  comprehendimus,  vel  saltem  gustamus  quam  utilis  sit  nobis  hic  liber  et  fructuosus.  Iam  venio  ad  verba  ipsa,  quia,  ut  dixi,  tantum  libare  pauca  volui,  et  lectio  etiam  ipsa  melius  ostendet  quis  fructus  ex  singulis  capitibus  ad  nos  redeat.  CAPUT  I.  1.  Anno  tertio  regni  Iehoiakim  regis  Iehudah,  venit  Nebuchadnezer  rex  Babylonis  Ierosolymam  j  et  obsedit  eam.  2.  Et  tradidit  Detis  in  manum  eius  Iehoiakim  regem  Iehudah,  et  partem  vasorum  domus  Dei,  et  traduxit  ea  (vel  eos,  utrumque  legi  potest:  nam  Hebraei  non  utuntur  neutro  genere:  malo  tamen  in  neutro  genere  vertere,  quia  statim  sequitur,  Traduxit)  in  terram  Sinear  in  domum  Dei  sui:  (Hoc  non  competeret  in  regem,  neque  in  captivos:  ergo  de  vasis  videtur  loqui  propheta,  postea  sequitur  repetitio  eiusdem  sententiae,  nempe)  quod  vasa  posuerit  in  domo  thesauri  Dei  sui.  (Duo  igitur  diversa  hic  non  dicuntur,  sed  propheta  exegetice  confirmat  eandem  sententiam  mutatis  verbis:  et  dicit  vasa  quae  traduxerat  Nebuchadnezer  in  terram  Sinear,  reposita  fuisse  in  domo  thesauri.  Domum  generaliter  ut  scimus  accipiunt  Hebraei  pro  quovis  loco,  sicuti  vocant  domum*  Dei,  templum.  De  terra  Sinear  etiam  hoc  notandum  est,  esse  planitiem  illam,  quae  adiacet  Babyloni  :  et  illic  fuit  famosum  illud  templum  Beli,  de  quo  nunc  prophetam  loqui  verisimile  est.)  Hic  Daniel  tempus  notat,  quo  in  captivitatem  abductus  fuit  una  cum  sociis,  nempe  tertio  anno  Iehoiakim.  Hic  nascitur  nobis  difficilis  quaestio,  quia  coepit  quarto  anno  Iehoiakim  regnare  Nebuchadnezer:  qui  ergo  fieri  potest,  ut  iam  tertio  anno