35:533  533  SUR  LB  CANTIQUE  D'EZECHIAS.  534  faire  sentir  nos  pechez,  qu'il  nous  adiourne  afin  que  nous  venions  la  comme  devant  nostre  Iuge:  et  que  nous  n'y  venions  point  avec  cachetes  ni  subterfuges,  mais  avec  une  confession  libre  et  franche:  et  que  ce  ne  soit  point  seulement  de  bouche  ne  par  acquit,  mais  que  nous  soyons  navrez  iusques  au  profond  du  coeur,  sentans  que  c'est  d'avoir  contrevenu  a  la  volonte  de  nostre  Dieu,  de  l'avoir  provoque  a  l'encontre  de  nous  et  d'avoir  bataille  contre  sa  iustice.  Voyla  donc  ce  que  nous  avons  a  retenir  quand  nous  voyons  que  le  Roy  Ezechias  a  este  en  angoisse  si  extreme,  a  cause  que  Dieu  l'assiegeoit  pour  ses  pechez;  voire  et  nous  fait  bien  retenir,  combien  qu'auparavant  il  ait  proteste  qu'il  avoit  chemine  en  integrite  et  rondeur,  qu'il  s'estoit  estudie  en  toute  sa  vie  d'obeir  et  complaire  a  Dieu,  neantmoins  il  ne  s'amuse  point  a  ses  vertus  ni  a  ses  merites,  il  n'entre  point  en  contestation  contre  Dieu:  car  il  voit  bien  que  tout  cela  ne  luy  pouvoit  de  rien  profiter,  ne  luy  porter  allegement.  Il  ne  met  donc  pas  en  avant  quelle  a  este  sa  vie,  mais  il  cognoit  qu'a  bon  droict  il  est  afflige.  Ainsi  donc  apprenons,  quand  il  plaira  a  Dieu  de  nous  chastier  de  ses  verges,  de  ne  point  entrer  en  murmures,  comme  s'il  nous  faisoit  tort,  comme  s'il  n'avoit  point  esgard  a  nos  merites,  ou  qu'il  usast  de  plus  grande  rudesse  que  nous  ne  l'avons  desservi.  Que  tous  ces  blasphemes  la  soyent  abbatus,  et  que  nous  confessions  qu'il  ha  iuste  raison  de  nous  punir,  voire  non  seulement  iusques  a  nous  exterminer  de  ce  monde,  mais  a  nous  plonger  iusques  aux  gouffres  d'enfer.  Voyla  donc  comme  nous  meritons  d'estre  traittez,  quand  nous  aurons  regarde  toute  nostre  vie.  Et  cependant  aussi  ne  trouvons  point  estrange  que  Dieu  nous  envoye  des  afflictions  qui  nous  semblent  fascheuses  et  bien  aspres,  puis  que  nous  voyons  Ezechias  qui  marche  devant  pour  nous  monstrer  le  chemin.  Beaucoup  sont  esbahis  quand  ils  auront  eu  quelque  bonne  affection  et  desir  de  servir  a  Dieu,  s'il  les  punit  plus  que  beaucoup  de  meschans,  et  leur  semble  qu'ils  ont  perdu  leur  peine.  Et  ceste  tentation  la  est  par  trop  commune:  comme  nous  voyons  aussi  que  David  en  a  este  tormente,  quand  il  dit  Qu'est-ce  ci?  Car  ie  voy  les  contempteurs  de  Dieu  prosperer  et  s'esgayer  et  faire  leurs  triomphes,  et  cependant  ie  ne  fais  que  humer  le  bruvage  d'angoisse  depuis  le  soir  iusques  au  matin,  ie  n'ay  nul  repos.  Ii  semble  donc  que  ce  soit  temps  perdu  de  servir  a  Dieu.  Voyla  (di-ie)  comme  a  l'extremite  il  a  este  abbatu,  sinon  que  Dieu  l'eust  soustenu  par  sa  vertu  admirable.  Et  pource  que  le  semblable  nous  peut  advenir,  que  nous  facions  bouclier  de  l'exemple  qui  nous  est  yci  propose  du  Roy  Ezechias.  Car  nous  avons  veu  par  ci  devant  comme  il  avoit  conforme  toute  sa  vie  a  la  Loy  de  Dieu:  il  avoit  eu  un  zele  qui  ne  se  trouvera  en  gueres  de  gens