32:533  533  SUR  LB  PSEAUME  CXIX.  534  car  on  dira:  Voyla  un  homme  subtil:  voyla  un  homme  bien  sage,  quand  il  scaura  bien  frauder  ses  prochains,  et  forger  quelque  malice,  pour  s'adonner  a  toute  iniquite.  Telle  est  la  sagesse  de  ce  monde.  Mais  cependant  notons,  que  cecy  n'est  point  dit  sans  cause,  c'est  ascavoir,  que  toute  nostre  prudence  et  raison  consiste  en  ce  que  nous  cheminions  en  la  crainte  de  Dieu,  que  nous  nous  enquerions  de  sa  volonte,  voire  pour  nous  y  tenir.  En  second  lieu,  comme  David  a  desia  proteste,  que  les  hommes  ne  sont  point  capables  de  cognoistre  la  Loy  de  Dieu,  et  le  contenu  d'icelle,  sinon  qu'ils  ayent  receu  doctrine  d'en-haut,  c'est  a  dire  du  sainct  Esprit  :  aussi  il  adiouste,  qu'il  ne  peut  avoir  affection  bonne  de  s'y  adonner,  iusques  a  ce  que  son  coeur  soit  reforme.  La  Loy  de  Dieu  semblera  assez  vulgaire,  mesmes  nous  voyons  les  orgueilleux  de  ce  monde  qui  la  mesprisent  comme  une  chose  par  trop  commune:  mais  tant  y  a,  que  comme  David  a  declaire  par  cy  devant,  Dieu  nous  a  donne  en  sa  Loy  des  secrets  admirables,  qu'yci  il  ne  reitere  point  en  vain,  qu'il  faut  que  recevant  l'Esprit  du  ciel,  il  soit  conduit,  afin  de  suyvre  les  commandemens  de  Dieu.  Or  notamment  il  dit,  Que  ie  la  garde,  voire  gue  ie  la  garde  en  tout  mon  coeur.  Ceste  repetition  n'est  point  superflue,  quand  il  dit,  Que  ie  la  garde,  voire  que  ie  la  garde  en  tout  mon  coeur.  Car  voyla  qui  abuse  beaucoup  de  gens,  moyennant  qu'ils  ne  soyent  point  repris  des  hommes,  qu'ils  n'ayent  point  une  vie  si  dissolue  qu'on  les  monstre  au  doigt,  et  qu'ils  soyent  en  opprobre  et  ignominie:  les  voyla  des  petis  Anges.  Ils  se  font  accroire  qu'ils  sont  plus  que  iustes  devant  Dieu  :  ils  ne  se  sentent  coulpables  en  rien.  Pour  ceste  cause  donc,  David  ayant  parle  d'observer  la  Loy  de  Dieu,  monstre  que  ce  n'est  pas  une  chose  si  commune  comme  on  la  cuide.  Pourquoy?  Il  faut  (dit-il)  Pobserver  en  tout  son  coeur.  Quand  ii  veut  monstrer  quelle  est  la  bonne  observation  de  la  Loy,  et  telle  que  Dieu  la  demande,  ce  n'est  pas  seulement  qu'on  voye  et  pos  pieds  et  nos  mains  estre  bien  reglez  et  compassez,  qu'on  n'appercoive  point  d'iniquite  en  nous,  pour  laquelle  nous  soyons  condamnez  devant  les  hommes:  ce  n'est  pas  le  tout,  di-ie,  que  cela,  mais  il  faut  (dit  David)  que  nous  gardions  la  Loy  de  Dieu  en  tout  nostre  coeur.  Quand  il  n'y  auroit  sinon  quelque  affection,  ce  seroit  beaucoup,  et  cela  surmonteroit  toutes  les  facultez  des  hommes.  Mais  il  ne  faut  point  que  nous  ayons  un  coeur  double,  que  nous  ayons  quelque  desir  froid  et  maigre,  pour  dire,  Et  bien,  ie  voudroye  encores  que  Dieu  me  fist  ceste  grace  de  suyvre  ses  commandemens:  et  sur  cela,  que  nous  soyons  lasches,  et  paresseux  en  nousmesmes:  mais  il  faut  que  nous  ayons  une  vraye  droiture,  que  nous  y  allions  en  rondeur  et  integrite.