25:533  533  COMMENTARIUS  IN  IOSUE  CAP.  XVII.  534  Interea  si  tacuissent,  nulla  fuisset  habita  illarum  ratio.  Ergo  ne  cunctatio  damnosa  sit,  Iosue  et  Eleazar  adeunt,  et  urgent  ne  legitima  successione  priventur.  Mora  quidem  non  interponitur  a  Iosue,  quominus  statim  obtineant  quod  iustum  est.  Nec  vero  populus  obmurmurat:  unde  colligimus  omnes  ad  aequitatem  fuisse  propensos:  sed  dum  quisque  sua  curat,  nimis  secure  alios  negligit.  5.  Ceciderunt  haereditates  decem.  Numerantur  hoc  loco  septem  stirpes  in  posteris  Manasse,  Machir  primogenitus  seorsum  statuitur:  deinde  alii  sex.  Nunc  quaeritur  quomodo  in  partes  decem  divisa  fuerit  haereditas.  Quidam  astute  hunc  scrupulum  dissimulant.  Alii  quia  nodum  solvere  nequeunt,  obtendunt  meras  nugas.  Certe  valde  absurdum  est,  quinque  filiabus  datas  esse  quatuor  sortes:  nihilo  magis  consentaneum,  quia  pater  erat  primogenitus  duplicatam  illis  esse  suam  partem.  Hoc  quidem  extra  controversiam  est,  Gilead  filium  Machir  proavum  mulierum  de  quibus  nunc  agitur,  sedem  in  monte  Gilead  et  Basan  sibi  elegisse.  Ergo  quum  iam  extra  sortem  privilegio  haereditatem  adeptus  esset,  non  debuit  in  terra  Chanaan  sortiri:  nisi  forte  partem  duntaxat  familiae  suae  trans  Iordanem  locavit.  Hepher  unus  enim  fuit  ex  eius  filiis,  sed  non  solus:  sicuti  aliorum  quinque  fratrum  soboles  in  plura  capita  distingui  potuit,  pro  quorum  numero  sortitio  fieret.  Neque  enim  scitur  in  quoto  gradu  sumptae  fuerint  familiae,  quibus  contigit  in  terra  Chanaan  portio.  Nec  vero  aliud  hic  legimus  quam  iactas  fuisse  decem  fortes  inter  filios  Manasse  praeter  regionem,  quam  sibi  antea  acquisierant  trans  Iordanem.  Ita  frustra  contenditur  de  numero,  quem  certum  elicere  ex  praesenti  narratione  non  possumus:  quia  ante  omnia  alioqui  tenendum  esset,  quot  familiis  communis  fuerit  partitio.  Imo  fieri  potest,  ut  filiabus  Selophead  illic  datum  fuerit  patrimonium.  Dicuntur  quidem  habitasse  inter  fratres  patris  sui:  sed  locus  non  designatur.  Quidquid  sit  non  dubito  quin  servata  mutua  aequabilitate,  postquam  aliis  prospectum  erat,  terram  quae  sorti  subiecta  erat  distribuerint  inter  decem  familias:  quarum  nomina  hic  tacentur.  11.  Fuitque  ipsi  Manasse  in  Issachar  et  in  Aser  j  Bethsean,  et  oppida  eius:  et  Ibleam,  et  oppida  eius:  et  habitatores  Dor,  et  oppida  eius:  et  habitatores  Endor,  et  oppida  eius:  et  habitatores  Thaanac,  et  oppida  eius:  et  habitatores  Magiddo,  et  oppida  eius,  tres  regiones.  12.  Et  non  potuerunt  filii  Manasse  expellere  habitatores  urbium  istarum,  sed  coepit  Chananaeus  habitare  in  terra  ipsa.  13.  Quum  autem  roborati  essent  filii  Israel,  posuerunt  Chananaeum  tributarium,  nec  expellendo  expulerunt  eum.  14.  Loquuti  sunt  autem  filii  Ioseph  ad  Iosue,  dicendo:  Cur  dedisti  mihi  in  haereditatem  sortem  unam,  et  haereditatem