5:532  bien  fidele,  qui  interpretent  ces  passaiges  de  l'Apostre,  d'une  aultre  renovation,  par  le  baptesme,  laquelle  l'Eglise  n'approuve  point,  en  tant  qu'en  icelle  n'y  en  a  qu'un.  Or  il  est  tout  evident,  que  la  forme  de  conversion  apres  la  cheute  est  telle,  comme  il  a  este  dict  par  cy  dessus,  au  propos  de  iustification,  qu'elle  consiste  en  mortification  et  vivification.  Mais  mortification,  selon  que  nous  la  prenons  en  cest  endroit,  ne  requiert  pas  seullement  contrition  et  desplaisance,  mais  aussi  confession,  et  satisfaction  castigatoire,  de  laquelle  sera  parle  cy  apres.  Car  la  penitence  apres  le  baptesme  est  descripte  de  l'Apostre  en  telle  sorte,  que  ceux  qui  ont  peche  ayent  douleur  et  tristesse  selon  Dieu:  engendrant  en  eulx  solicitude,  indignation,  satisfaction,  crainte,  desir  et  punition  (2  Cor.  7,  11).  Or  ceste  mortification  est  accomplie  en  nous,  non  point  tant  par  le  ministere  [fol  23]  de  la  loy  de  Moyse,  que  par  la  loy  et  vigueur  dj  l'Esprit  de  vie,  quand  icelle,  entee  en  nous  par  le  baptesme,  et  puis  de  rechef  accablee  par  peche,  est  en  nous  ressuscitee,  par  la  parolle  de  l'Evangile,  laquelle  s'escrye  en  noz  coeurs:  Souvienne  toy  d'ont  tu  es  tombe  et  fay  penitence,  et  fay  les  oeuvres  premieres,  aultrement  ie  vien  sur  toy  incontinent  (Apoc.  2,  5).  Item:  O  Galates  insensez,  qui  vous  a  ensorcele,  que  vous  n'obeyssez  a  verite?  devant  les  yeux  desquelz  Iesus  a  este  par  cy  devant  descript,  et  entre  vous  crucifie  (Gal.  3,  1  ss.)?  Et  en  un  aultre  lieu  (Ebr.  10,  28):  Celuy  qui  transgressoit  la  loy  de  Moyse,  pour  deux  ou  trois  tesmoingz  il  mouroit,  sans  aucune  grace.  Combien  pax  plus  forte  raison  pensee  ,vous  que  celuy  merite  plus  griefz  tourmentz,  qui  aura  foule  lo  filz  de  Dieu?  Ceste  voix  revoque  et  reduit  nostre  esprit  preoccupe  par  peche  a  desplaisance  et  gemissemens  inenarrables,  lesquelz  sortent  et  s'avancent  iusques  a  confession:  et  engendrent  solicitude,  indignation,  satisfaction,  crainte,  desir,  et  punition  sur  nous.  Desquelles  esmotions  d'esprit  est  parle  au  Prophete  David  :  Le  sacrifice  (dit-il)  plaisant  a  Dieu,  est  l'esprit  aiflige:  mon  Dieu,  tu  ne  mespriseras  point  un  coeur  contrit  et  humilie  (Ps.  51,  19).  A  ceste  crainte  la  foy  donne  secours,  qui  regarde  en  Christ:  lequel  nous  avons  pour  advocat  iuste  envers  le  Pere,  et  qui  est  l'appointement  pour  noz  pechez,  et  non  pour  les  nostres  seulement,  mais  pour  ceux  de  tout  le  monde  (1  Iean  2,  1).  Parquoy  il  peult  sauver  a  tousioursmais,  ceux  qui  par  luy  seul  s'approcheront  de  Dieu,  tousiours  vivant  pour  prier  pour  nous,  ayant  sacrificature  eternelle,  entant  qu'il  demeure  eternellement.  Par  ceste  foy  nous  recevons  de  rechef  innovation  d'esprit,  et  vivification  e&b  conioincte  avec  mortification.  Car  David  prie  ainsi  (Ps.  51,  5  ss.):  Pour-