20:532  4234.  INSTRUCTION  sur  la  maniere  dont  les  pasteurs  doivent  se  conduire  pendant  la  persecution.  (Minute.  Bibi.  de  Geneve  Vol.  145,  fol.  123.)  Sur  ce  que  les  ouvriers  ont  este  contraints  de  se  retirer  pour  la  tempeste  nous  ne  povons  leur  donner  meilleur  conseil  sinon  que  durant  le  mauvais  temps  ils  visitent  par  tours  les  champs  quilz  ont  cultivez,  a  fin  sil*  ny  peuvent  travailler  comme  il  seroit  requis,  pour  le  moins  que  le  bien  quilz  y  ont  seme  ne  se  gaste  et  que  leur  labeur  ne  soit  perdu  mais  quilz  taschent  dentretenir  tant  quil  sera  possible  les  commencemens  iusques  a  ce  que  loccasion  se  presente  de  reparer  les  dommages  et  amender  le  tout.  Quant  a  la  grange  ou  les  bons  laboureurs  ^e  pourroyent  retirer  avec  quelque  partie  des  troupeaux,  le  maistre  fera  tres  bien  de  le  recevoir:  de  quoy  nous  le  prions  et  exhortons.  Toutesfois  que  ce  soit  pour  se  tenir  cois  et  sans  faire  nul  bruit  ni  esmeute.  Et  mesmes  quand  on  les  viendroit  assaillir  il  conviendra  plustost  ceder  a  la  violence  que  d'y  resister.  Car  combien  que  la  justice  ordinaire  leur  favorise,  si  ne  voyons  nous  pas  quil  leur  soit  licite  de  tenir  bon  contre  authorite  superieure.  Mais  encore  afin  de  prevenir  tels  dangers  quils  se  tiennent  secrez  le  plus  quilz  pourront  sans  faire  monstre  ny  apparence  afin  que  leurs  ennemis  nayent  matiere  de  s'irriter:  seulement  quils  ne  donnent  point  acces  a  ceux  qui  viendroyent  pour  les  seduire  et  rompre:  et  se  contentent  de  suyvre  leur  train  acoustume.  Quant  a  ce  qu'il  n'a  point  este  permis  de  produire  tiltres  et  droits  par  les  cours  subalternes  et  remonstrer  le  merite  des  causes  d'un  chacun,  il  sera  besoin  davoir  communication  mutuelle  ensemble  :  et  que  non  seulement  les  personnes  privees  mais  les  communautez  dressent  bonnes  procurations  tendantes  a��  une  mesme  fin  a  savoir  de  proposer  devant  la  Cour  souveraine  quilz  ont  este  contraints  de  venir  a  tel  refuge,  pour  ce  quon  ne  les  a  pas  voulu  ouir.  Or  de  leur  nommer  quel  audientier  ils  prendront  pour  avoir  acces,  il  nest  pas  en  nous  de  les  en  resoudre,  mais  ilz  en  pourront  deviser  avec  ceux  qui  ont  pareille  cause  et  se  trouveront  aux  grands  jours.  Nous  disons  le  semblable  du  contenu  de  la  Requeste.  Car  il  se  faudra  bien  donner  garde  de  varier,  mais  que  le  tout  saccorde.  Nous  ne  sommes  nomplus  dadvis  quon  change  rien  en  la  principale  piece  qui  est  la  declaration  de  lheritage.  Car  il  viendroit  mal  a,  propos  de  rien  jnnover  pour  ce  que  ce  seroit  autant  d'ouverture  a  partie  adverse  de