9:531  531  RESPONSIO  532  cessit  moderatio  et  gravitas  plus  quam  virilis:  sic  exosas  quae  caeremoniis  admixtae  erant  corruptelas  habuisse,  ut  politiam  ecclesiae,  quae  his  caeremoniis  fere  constat,  non  sublatam  et  eversam,  sed  repurgatam  [pag.  10]  et  emendatam  esse  vellet.  Quis  maturae  aetatis  viro  nunc  audeat  obstrepere,  qui  a  teneris  annis  angelica  dexteritate  praeditus,  et  prudentia  imbutus  erat?  Hinc  fit  ut  vereatur  naturae  adscribere  tantam  praestantiam  :  quanquam  dubitanter  naturam  sibi  fuisse  ducem  gloriatur.  Tollitur  quidem  suspicio  hic  loqui  Balduinum,  qui  longissime  semper  ab  omni  caercmoniarum  reverentia  abfuit.  Iam  quo  decentiu&  sibi  censoris  partes  usurpet,  viri  personam  induit.  Ubi  iterum  perspicaciam  suam  satis  liberaliter  extollit:  quod  mox  antequam  ex  professo  [pag.  l  l  ]  ad  cognoscendum  sc  accingeret,  animadverterit  eos  qui  pravas  opiniones  corrigere  studebant,  ὑπἑρ  τὰ  ἑσκαμμένα  prosilire.  Mirum,  nisi  haec  tam  admirabilis  in  obscuro  vitio  notando  severitas  terreat  omnes  ac  compescat,  cogatque  linguas  omnes  obmutescere.  Tandem  scriptis  utriusque  partis  diligenter  et  attente  examinatis  (si  vera  narrat)  ultroque  et  citro  pari  aequitate  expensis,  arbitrum  se  interponens,  nimiam  vehementiam  et  excessum  in  utraque  parte  damnat.  Nempe  quia  audivit  ut  plurimum  in  aestu  contentionum  id  accidere,  facturus  sibi  operae  pretium  vis.us  est,  si  [pag.  12]  integri  et  ad  summam  moderationem  compositi  hominis  existimationem  sibi  acquireret.  Ergo  ut  sedato  animo  ad  censuram  agendam  se  accedere  probet,  consulto  se  ab  omni  partium  studio  abstinuisse  dicit.  Sed  quum  certum  sit  eum  non  minus  fervoris  olim  prae  se  tulisse,  quam  quos  nunc  intemperantiae  accusat,  quid  iuvat  spectrum  altis  cothurnis  indutum  in  scenam  inducere,  ut  se  genium  nescio  quem  e  coelo  delapsum  persuadeat?  Hoc  refellendae  putidae  et  futilis  arrogantiae  causa  breviter  dictum  oportuit.  Ac  ne  cui  videar  nimis  praecise  aut  morose  hominem  aspernari,  [pag.  13]  qui,  ut  vigeat  purior  religio,  certam  aliquam  reformationem  expetere  videtur:  antequam  longius  progrediar,  insidiosam  vulpis  astutiam  breviter  detegere  necesse  est.  Cui  gratificetur,  et  qua  spe  conductus  provinciam  hanc  appetiverit,  in  praesentia  non  disputo.  Certe  qua  ambitione  et  avaritia  flagrat,  deinde  qua  confidentia  est  inflatus,  non  vulgarem  sibi  mercedem  proposuit.  Non  utar  coniecturis  tanquam  in  re  ambigua.  Sciunt  mille  testes  in  cuius  clientelam  se  nuper  contulerit,  cui  fidem  suam  obstrinxerit,  cui  se  devoverit,  et  addixerit  sua  obsequia,  cui  denique  libellum  suum  obtulerit,  non  absque  condimento,  [pag.  U]  Nam  quia  labra  nactus  erat  similia  suis  lactucis,  non  posse  aliter  componi  et  pacari  Galliae  turbas  praefatus,  quam  sublatis  quibusdam  crassioribus  vitiis,  sibi  in  manu  artificium  esse  iactavit  quo  violentos,  ut  vocabat,