7:531  531  CONTRE  L'ASTROLOGIE  532  [page  37]  et  en  eussent  este  surpris  devant  que  d'y  avoir  pense.  Dieu  en  advertit  Pharao  par  songe.  Ioseph  luy  en  declaire  ce  qui  luy  est  revele  de  Dieu.  En  tout  cela,  y  a-il  rien  qui  favorise  a  ceux  qui  en  font  un  bouclier?  Quant  est  de  Moyse,  il  est  bien  dit  qu'il  estoit  instruit  en  toute  la  sagesse  des  Egyptiens:  mais  cela  s'entend-il  des  superstitions?  Or  entre  les  pires  superstitions  qu'ilz  eussent,  ie  metz  ceste  curiosite  de  vouloir  deviner  par  les  astres.  Pour  oster  toute  doute,  qu'on  regarde  si  Moyse  s'est  iamais  aide  de  ceste  science  en  toutes  ses  entreprises.  Quand  il  deut  retirer  le  peuple  de  captivite,  assavoir  s'il  print  les  astres  pour  sa  conduite?  Pareillement,  quand  il  passa  la  mer  rouge?  Finalement,  en  tout  ce  que  Dieu  a  fait  par  sa  main,  s'est  il  iamais  guide  par  ceste  science?  Il  s'est  tousiours  reigle  selon  la  bouche  de  Dieu,  regardant  la  promesse  pour  le  temps  de  la  redemption,  et  n'attentant  rien,  sinon  suyvant  ce  qui  luy  estoit  revele.  Daniel  a  bien  este  instruit  en  l'art  des  Caldeens:  mais  nous  ne  voyons  point  qu'il  ait  appete  de  savoir  plus  que  l'Astrologie  naturelle.  Et,  sans  en  tenir  plus  long  propos,  il  n'y  a  nulle  doute  que  Dieu,  en  parlant  tant  de  fois  des  devins,  n'ait  voulu  expressement  condamner  la  superstition  tant  d'Egypte  que  de  [page  38]  Chaldee,  dont  le  peuple  d'Israel  pouvoit  estre  corrompu.  Ainsi,  quand  les  Genethliaques,  pour  honnorer  leur  science,  mettent  en  avant  ceste  anciennete,  voicy  tout  ce  qu'ilz  gaignent,  qu'on  sait  que  c'est  une  curiosite  que  Dieu  reprouve,  et  laquelle  il  a  estroitement  defendue  a  son  Eglise.  Tant  y  a  qu'ilz  font  grande  iniure  aux  sainctz  Patriarches,  lesquelz  il  z  veulent,  a  fausses  enseignes,  tirer  en  leur  bande.  Ilz  s'aident  aussi  de  la  sentence  de  nostre  Seigneur  Iesus,  disant  qu'il  y  aura  des  signes  au  ciel  pour  annoncer  le  iour  de  sa  venue  derniere.  Mais  ilz  en  parlent  comme  clercz  d'armes.  1)  Vray  est  qu'il  leur  est  a  pardonner,  veu  que  ce  n'est  pas  leur  gibbier  que  de  la  saincte  Escriture.  Ouy  bien,  s'ilz  s'abstenoyent  de  la  polluer,  en  la  depravant  ainsi  qu'ilz  font.  Or,  tant  s'en  faut  que  ce  passage  leur  favorise,  que  nous  le  pouvons  retourner  contre  eux.  Car  nostre  Seigneur  Iesus  ne  parle  point  la  de  quelque  constellation2)  procedente  du  cours  de  nature,  mais  plustost  d'une  chose  extraordinaire  qui  n'a  rien  de  semblable  ne  de  commun  avec.  Et  mesme  les  Prophetes,  voulans  ex-  1)  Enim  vero  nobis  genus  hoc  hominum  ex  iure  manu  consertum  vocandum  est:  qui  tam  temere  m  alienas  possessiones  irruerint.  Nam,  quod  quidem  ad  scripturae  sacrae  studium  attinet,  profecto  novi  hospites  nihil  dum  in  hac  regione  quaesiverunt,  nisi  si  fortasse  fustibus  etiam  expellendi  sunt,  quod  illotis  pedibus  in  hoc  tantum  sacrarium  ingressi  sint.  Porro  tantum  abest  ete.  2)  de  ulla  siderum  affectione.