6:531  DE  NECESSITATE  mansuetudine  tractandi  sunt  haeretici,  qui  ecclesiam,  sua  intemperie,  nulla  iusta  causa  perturbant,  ut  castigationem  semper  doctrina  praecedat,  quanto  plus  adhibere  in  hac  causa  humanitatis  decet,  in  qua  Deum  et  homines  testamur,  nihil  nos  aliud  quaerere,  nisi  ut  in  puram  Dei  doctrinam  utrinque  consentiamus?  Pontificem  romanum  cum  suis  nihil  quam  sanguinem  et  caedes  spirare,  tu  optimus  es  testis,  Caesar.  Quod  si  eorum  obsequutus  esses  furori,  iampridem  suo  sanguine  Germania  redundasset.  Neque  id  vos  latet,  illustrissimi  Principes.  Ad  tantam  crudelitatem  praecipites  ipsos  ageret  Dei  spiritus?  Sed  hoc  est  scilicet:  libido,  quae  diu  grassata  est  sine  obstaculo,  si  cohiberi  incipiat,  protinus  ad  insaniam  erumpit.  Si  qui  sunt  praeter  pos,  qui  oppressos  vi  et  armis  nos  videre  cupiant,  aut  ab  illis  flabellis  accensi,  aut  inconsiderato  zelo  sponte  instigati,  causam  incognitam  oderunt.  Nam  quod  nascenti  primum  ecclesiae  accidisse  Tertullianus  1)  queritur,  id  nobis  hodie  quoque  usu  venit:  ut  solius  nominis  praeiudicio,  sine  causae  inquisitione  damnemur.  Et  nunc  quid  contendimus  aliud,  nisi  ut  suscepta  semel  legitima  cognitione,  ex  vero  tandem  et  aequo,  non  ex  praesumpta  falso  opinione  iudicetur?  [pag.  137]  Atque  hoc  quidem  praeclarum,  et  humanitatis  tuae,  et  singularis  sapientiae  documentum  edidisti,  Caesar,  quod  hactenus  furiosae  hostium  nostrorum  libidini,  ne  te  ad  iniustam  saevitiam  abriperet,  constanter  obstitisti.  Sed  hoc  secundum  superest,  ne  perniciosis  eorum  consiliis  morem  geras,  qui  sub  dilationis  specie  sanctum  hoc  opus,  reformationem  ecclesiae  dico,  iam  dudum  impediunt,  et,  quod  peius  est,  abrumpere  moliuntur.  TJna  forte  perficiendi  adhuc  restat  difficultas,  quae  vos  ab  inchoando  nonnihil  retineat.  Plerosque  enim,  non  male  alioqui  animatos,  non  alia  causa  avertit  a  tam  sancto  instituto,  nisi  quod  antequam  periculum  faciant,  successus  desperatione  concidunt.  P  ed  hic  vobis  duo  sunt  consideranda:  neque  tantam  esse  difficultatem,  quanta  animis  concipitur:  et  quantacunque  sit,  non  decere  tamen  eius  cogitatione  ac  metu  vos  frangi,  si  reputetis  apud  vos,  hoc  esse  Dei  opus:  in  quo  gubernando  et  spem  nostram  superari,  et  opinionem  falli  oporteat.  Priorem  illam  partem  explicare,  non  est  huius  operis.  Aptior  et  opportunior  erit  locus,  si  ad  seriam  consultationem  ventum  semel  fuerit.  Hoc  tantum  dicam:  magis  expeditam  fore  rationem,  nec  tantae  molis,  quam  vulgo  existimetur,  modo  satis  sit  ad  tentandum  animi.  Verum,  quum  veteri  proverbio  celebratum  sit,  nihil  esse  praeclarum,  quod  non  arduum  simul  quoque  sit  ac  difficile,  miramur,  si  ad  rem  omnium  maximam  et  praestantissimam  [pag.  138]  per  multas  difficultates  sit  enitendum?  Deinde,  quemadmodum  1)  In  apologetico.