5:531  ACTES  DE  BATISBONNE.  ont  este  une  foys  illuminez,  et  qui  ont  gouste  le  don  celeste,  et  sont  faictz  participans  de  l'Esprit  sainct,  qui  ont  aussi  gouste  la  bonte  de  la  parolle  de  Dieu,  et  les  vertuz  du  siecle  futur,  estans  tombez,  ilz  puissent  de  rechef  estre  renouvelez  a  penitence,  crucifiant  de  rechef  en  eux  mesmes  le  filz  de  Dieu,  et  l'ayans  en  moquerie.  Et  en  un  aultre  passaige  de  la  mesme  Epistre  (iO,  26):  A  ceux  qui  pechent  voluntairement  apres  avoir  receu  la  congnoissance  de  verite,  n'est  point  laisse  de  sacrifice  pour  leurs  pechez:  mais  attente  terrible  de  iugement.  Car  par  ce  l'Apostre  denote  que  ceux  lesquelz  ayans  receu  la  congnoissance  de  l'Evangile,  crucifient  de  rechef  en  eux  mesmes  le  filz  de  Dieu  :  et  qui  ne  cessent  point  de  pecher  voluntairement  n'obtiennent  aucun  sacrifice  pour  leurs  pechez,  ou  aultre  revocation  par  penitence:  comme  on  peult  veoyr  au  traistre  "Iudas,  lequel  ayant  livre  et  reiecte  Christ,  n'n  trouve  aucun  lieu  de  penitence,  combien  qu'estant  esmeu  de  desplaisance  du  pecho  par  luy  commis,  ayt  crie  a  haulte  voix  :  Tay  peche  en  livrant  le  sang  iuste  (Matth.  27,  4).  Car  il  n'a  pas  retourne  ses  yeux  vers  le  Redempteur  qu'il  avoit  reiecte  en  le  trahissant.  Comme  aussi  l'Apostre  racomptede  Esau  (Ebr.  12,  17),  et  de  tous  aultres,  qui  ont  prie,  que  Dieu  ne  parlast  point  a  eux,  et  ont  refuse  de  l'ouyr.  Et  s'accorde  a  cecy  ce  qui  est  dict,  que  celuy  qui  ne  croyt  en  Christ  est  ia  iuge:  car  il  n'a  pas  creu  au  Nom  du  filz  de  Dieu  (Iean  3,  18).  Et  puis  est  dict,  que  celuy,  qui  ne  croyra  au  filz,  ne  verra  point  la  vie;  ains  la  mort  demeurera  sur  [fol.  22]  luy.  Et  cestuy  est  le  peche  a  la  mort,  duquel  est  parle  en  la  premiere  de  S.  Iehan  (5,  16).  Et  l'Apostre  tesmoigne  aux  Ebrieux  (3,  12),  que  excepte  ce  crime  tresenorme  d'incredulite  et  d'obstination  perdurante,  il  n'y  a  peche,  ny  mesme  blaspheme,  excepte  celle  contre  le  S.  Esprit,  qui  ne  puisse  estre  remiz  en  l'Eglise:  moyennant  que  par  foy  nous  r  e  tournions  a  Christ,  croyans  qu'en  ce  sacrifice  seul  et  non  en  aultre,  noz  pechez  sont  abolys.  Car  l'Apostre  dit  ainsi:  Donnez  vous  bien  garde,  freres,  que  d'aventure  en  aucun  de  vous  ne  soit  un  coeur  maling  d'incredulite,  pour  se  departir  du  Dieu  vivant  :  mais  enhortez  vous  vousmesmes,  par  chascun  iour,  tandis  qu'auiourdhuy  sera  nomme,  a  celle  fin  qu'aucun  ne  soit  endurcy  par  la  fallace  de  peche.  Car  comme  il  dit  puis  apres:  nous  sommes  faictz  participans  de  Christ:  si  toutefoys  nous  retenons  le  commencement  de  sa  substance,  iusque  a  ferme  fin.  Car  tous  ceux  qui  sont  sortis  d'Egypte,  en  general  n'ont  pas  pecho,  mais  ceux  lesquelz  oyans  la  voix  du  Seigneur  l'ont  provoque  a  ire,  et  ont  endurcy  leurs  coeurs,  estans  incredules:  ceux  la  (dis-ie)  seulement  n'ont  peu  entrer  en  la  terre,  a  cause  de  leur  incredulite.  Combien  aussi,  que  l'exposition  des  Sainctz  peres  soit