40:531  531  PRAELECTIONES  532  ventu  Alexandri  magni?  de  eius  successoribus?  Longo  tempore  antequam  nasceretur  Alexander,  praedixit  Daniel  quid  sit  facturus.  Deinde  ostendit  regnum  eius  non  fore  diuturnum,  quia  statim  dividitur  in  quatuor  cornua.  Alia  etiam  quae  commemorat  certo  demonstrant,  loquutum  fuisse  dictante  spiritu  sancto.  Sed  huius  quoque  rei  certior  fides  potest  concipi  ex  aliis  narrationibus,  quum  scilicet  admonet  quam  variis  miseriis  obnoxia  futura  sit  ecclesia  inter  duos  crudelissimos  hostes,  nempe  regem  Syriae  et  regem  Aegypti.  Illic  recitat  eorum  foedera,  deinde  recitat  hostiles  ultro  citroque  incursus:  postea  tot  conversiones:  quasi  res  ipsas  digito  monstraret,  sic  totum  progressum  exsequitur,  ut  appareat  Deum  per  os  eius  loqui.  Hoc  igitur  iam  magnum  est,  et  non  poenitendi  fructus,  ubi  certo  cognoscimus  Danielem  fuisse  duntaxat  organum  spiritus  sancti,  neque  proprio  instinctu  quidquam  in  medium  protulisse.  Iam  quod  illi  parta  luit  autoritas,  quo  certior  esset  fides  doctrinae  eius  apud  Iudaeos,  hoc  etiam  ad  nos  extenditur.  Quam  enim  pudenda  est  ac  turpis  ingratitudo,  si  non  amplectimur  prophetam  Dei,  cui  honorem  deferre  coacti  sunt  Chaldaei,  quos  scimus  et  superstitiosos  fuisse  et  plenos  fastu  ac  superbia?  Duae  illae  gentes,  nempe  Aegyptii  et  Chaldaei  prae  aliis  sibi  placuerunt.  Nam  putabant  Chaldaei  apud  se  esse  unicum  domicilium  totius  sapientiae.  Non  fuissent  igitur  admodum  propensi  ad  recipiendum  Danielem,  nisi  res  ipsa  coegisset,  ac  extorta  illis  fuisset  haec  confessio,  verum  esse  Dei  prophetam.  Iam  quum  ita  stabilita  sit  Danielis  autoritas,  de  rebus  etiam  ipsis,  quas  tractat,  aliquid  dicendum  est.  Quantum  ad  interpretationes  somniorum  spectat,  primum  somnium  Nebuchadnezer  complectitur,  quemadmodum  videbimus,  rem  omnium  maximam,  nempe  quidquid  est  splendoris  et  potentiae  in  mundo,  evanescere:  manere  autem  stabile  unum  Christi  regnum,  nec  aliam  esse  perpetuitatem.  Quantum  ad  secundum  somnium  Nebuchadnezer  pertinet,  illic  certe  admirabilis  refulget  constantia  Danielis.  Erat  enim  res  valde  odiosa,  summum  totius  orbis  monarcham  ita  deiicere,  quemadmodum  fecit:  Tu  eximis  te  numero  hominum,  et  iam  coleris  instar  Dei,  tu  eris  bestia  posthac.  Nemo  est  hodie  qui  audeat  tale  aliquid  profari  apud  monarchas,  imo  qui  audeat  vel  blande  eos  monere,  si  quid  peccaverint.  Quum  ergo  Daniel  intrepide  praedixerit  regi  Nebuchadnezer  quantum  dedecus  ipsum  maneret,  certe  in  eo  prodidit  memorabile  et  rarum  documentum  suae  constantiae.  Et  hoc  modo  etiam  rursus  obsignata  fuit  eius  vocatio,  quia  haec  fortitudo  erat  ex  spiritu  Dei.  Sed  in  secunda  parte  insistere  praecipue  convenit,  ubi  perspicimus  Deo  curae  esse  suam  ecclesiam.  Extenditur  quidem  providentia  Dei  ad  totum  mundum.  Nam  si  passerculus  non