37:531  531  PRAELECTIONES  532  gloriam,  nempe  dum  res  vobis  sunt  pacatae:  ubi  autem  idola  vestra  in  tempore  non  succurrunt,  tunc  ad  me  reditis,  Surge,  et  serva  nos:  sed  quamdiu  idola  vobis  sunt  patres,  et  inde  salutem  speratis:  iam  nihil  mihi  est  negotii  vobiscum:  contenti  estote  vestris  idolis,  et  me  sinite  quoniam  ego  a  vobis  sum  desertus.  Et  ideo  subiicit,  Ubi  dii  vestri?  inquit.  Hic  Deus  subsannat  perversam  illam  fiduciam,  qua  se  fallebant  Iudaei:  Uli  sunt  dii  vestri  quos  vobis  fecistis?  Surgant,  videamus  an  vobis  opitulentur  in  tempore  afflictionis  vestrae.  Nunc  tenemus  prophetae  mentem.  Ostendit  enim  populum  nimis  praepostere  agere,  ubi  colit  idola  rebus  securis:  et  postea  vult  Deum  sibi  habere  obstrictum:  atqui  abnegat  Deum  verum,  ubi  deficit  ad  idola.  Ostendit  igitur  nihil  ipsis  auxilii  sperandum  esse  a  vero  Deo,  quoniam  spoliaverint  ipsum  propria  virtute,  ubi  sibi  idola  fabricarunt.  Nam  semper  retinendum  est  quod  dixit,  falsos  deos  habitos  fuisse  pro  patribus  et  autoribus  salutis  a  populo  illo.  Idem  hodie  fieri  certum  est  in  papatu:  nam  habent  suos  patronos:  ubi  autem  sentiunt  se  nihil  proficere  stultis  superstitionibus,  postea  vellent  Deum  sibi  opitulari,  et  tamen  nihil  residuum  illi  faciunt:  quoniam  postquam  rapuerunt  illi  omnes  partes  suae  gloriae,  et  partiti  sunt  quasi  spolia  inter  sanctos  mortuos,  tunc  tamen  vellent  Deum  sibi  esse  auxiliatorem.  Sed  videmus  quid  respondeat  Deus  ipse,  Ubi  dii  tui?  Hic  autem  est  huius  doctrinae  usus,  non  esse  exspectandum,  donec  re  ipsa  et  ultima  desperatione  cogamur  agnoscere  lusoriam  fuisse  nostram  operam,  ubi  opem  speravimus,  et  precati  sumus  ab  idolis,  sed  recta  veniendum  esse  ad  Deum  ipsum,  nt  nobis  opituletur  in  necessitate.  Amplificat  Deus  illum  sarcasmon,  hoc  est  illam  derisionem,  qua  usus  est,  Ubi  sunt  dii  tui?  Surgant  nunc,  ut  opitulentur  Ubi:  hoc  est,  vires  suas  experiantur  an  poterunt  te  iuvare.  Secundum  numerum  urbium  tuarum  fuerunt  dii  tui  Iehudah,  hoc  est,  quoniam  non  fuit  contentus  populus  uno  Deo,  unaquaeque  urbs  sibi  patronum  elegit.  Quum  ergo  innumera  deorum  turba  apud  vos  invocetur,  qui  fit  ut  non  succurrant  vobis?  Videmus  ergo  hic  acerbe  perstringi  populi  diffidentiam,  quia  non  acquieverat  in  solo  Deo:  sed  voluerat  sibi  accersere  deos  innumeros:  quum  multae  essent  urbes  in  tribu  Iehudah,  totidem  erant  patroni.  Unus  Deus  poterat  in  solidum  illis  sufficere,  et  poterat  afferre  plenam  salutem,  quoties  opus  esset:  spreverunt  unum  Deum.  Et  singulae  urbes  fabricatae  sunt  sibi  varios  deos.  Veniant,  inquit,  quandoquidem  in  illa  multitudine  confisi  estis,  Surgant  nunc,  ut  vobis  succurrant:  nam  ego,  quia  unus  sum,  a  vobis  contemnor.  Nunc  ergo  tenemus  etiam  in  hac  parte  prophetae  consilium.  Postea  sequitur,