35:531  531  PREMIER  SERMON  532  Or  venons  maintenant  au  Roy  Ezechias.  Il  faut  conclure  qu'il  y  a  quelque  raison  speciale  en  luy,  pourquoy  il  s'est  ainsi  plaint  de  la  mort:  ce  que  nous  verrons  mieux  en  la  personne  de  David.  David  est  la  quelquesfois  en  telles  angoisses,  qu'il  crie,  Helas  mon  Dieu,  qui  est-ce  qui  te  confessera  en  la  mort?  Et  quand  ie  seray  une  povre  charongne  pourrie,  quel  profit  y  auras-tu?  Quand  tu  m'auras  reduit  en  cendre,  qu'est-ce  que  tu  y  auras  gaigne?  Il  fait  la  ses  complaintes:  neantmoins  tant  y  a  qu'en  la  fin  il  meurt  paisiblement:  car  on  ne  voit  pas  qu'il  ait  este  ainsi  passionne  en  son  trespas,  mais  tout  quoyement  il  se  remet  entre  les  mains  de  Dieu.  Comment  donc  vient-il  a  s'escrier  ainsi?  C'est  qu'il  apprehende  l'ire  de  Dieu,  soit  en  maladie,  ou  en  quelque  autre  affliction:  c'est  autant  comme  si  les  enfers  se  presentoyent  devant  luy.  Voyla  donc  l'affection  qu'il  concoit,  non  point  de  la  mort  simple,  mais  de  ce  que  Dieu  luy  donne  quelque  signe  qu'il  le  punit  a  cause  de  ses  pechez.  Or  puis  que  nous  voyons  ceste  dispute-la  en  la  personne  de  David,  il  nous  sera  bien  facile  de  conclurre  quant  au  Roy  Ezechias,  qu'il  a  bien  este  aussi  angoisse  en  la  mort,  mais  ce  n'est  pas  qu'il  luy  fachast  de  sortir  de  ce  monde,  ne  qu'il  y  fust  attache  comme  sont  les  povres  incredules,  qui  n'aspirent  point  a  une  vie  meilleure,  qui  sont  mesmes  comme  plongez  en  leurs  delices,  et  s'endorment  tellement  que  la  vie  celeste  ne  leur  est  rien.  Nous  voyons  qu'Ezechias  n'a  pas  este  ainsi  abbatu  :  mais  alors  il  a  cognu  que  Dieu  luy  estoit  contraire  comme  nous  le  verrons  encore  plus  a  plein.  Et  defaict,  ce  n'est  point  sans  cause  que  le  Prophete  Isaie  luy  a  este  envoye:  car  il  estoit  comme  un  heraut  d'armes  pour  le  desfier,  et  luy  declarer:  Yoyci  Dieu  qui  est  ton  ennemi,  il  faut  que  tu  soustienes  sa  rigueur  extreme,  car  tu  Tas  offense.  Quand  Ezechias  oit  cela  il  ne  regarde  pas  a  la  simple  mort,  par  laquelle  il  faut  qu'il  passe:  mais  il  ha  un  autre  but,  qu'il  est  retranche  de  ce  monde  comme  une  creature  maudite,  qu'il  n'est  pas  digne  que  la  terre  le  soustiene.  Et  quand  Dieu  le  persecute,  cela  rend  tesmoignage  que  la  terre  sera  desolee:  car  il  cognoist  quelle  sera  la  condition  de  ce  peuple,  il  voit  que  tout  sera  dissipe  apres  sa  mort,  sinon  que  Dieu  y  remedie  par  miracle:  et  il  pense  ainsi:  Ma  mort  ne  sera  point  seulement  pour  m'envoyer  au  gouffre  d'enfer,  mais  ce  sera  pour  mettre  un  deluge  par  tout,  et  qu'en  toute  la  terre  il  n'y  aura  plus  que  desolation  :  faut-il  donc  que  le  service  de  Dieu  soit  abbatu,  et  que  tout  cela  retourne  sur  moy;  d'autant  que  i'ay  offense  mon  Dieu?  Helas!  et  que  sera-ce?  Ne  trouvons  point  maintenant  estrange  si  Ezechias  parle  ainsi  comme  nous  oyons,  mais  retenons  tousiours  que  ce  n'est  point  la  mort  simple  qui  l'a  ainsi  effarouche.  Quoy  donc?  L'ire