32:531  531  CINQUIEME  SERMON  532  afin  que  nous  cognoissions  que  c'est  de  luy  :  encore  faut-il  qu'il  imprime  en  nos  coeurs  un  desir  d'y  adherer,  ou  sans  cela  nous  y  serons  du  tout  contraires,  comme  nous  sommes  de  nature.  Ainsi  donc,  combien  que  ce  ne  soit  point  chose  superflue  de  lire  et  d'ouyr,  toutesfois  cela  ne  profite  rien,  si  nous  ne  sommes  enseignez  par  le  sainct  Esprit:  voire  tant  pour  discerner  entre  le  bien  et  le  mal,  comme  pour  avoir  une  bonne  affection  et  droitte  de  cheminer  selon  que  Dieu  commande.  Et  cela  nous  est  assez  conferme  en  la  personne  de  David:  car  (comme  nous  avons  declare  par  cydevant)  c'estoit  un  Prophete  excellent.  Il  n'avoit  point  seulement  instruction  suffisante  pour  soy,  mais  Dieu  l'avoit  ordonne  pour  gouverner  les  autres  :  c'estoit'  le  docteur  de  toute  l'Eglise.  Tant  y  a  neantmoins,  qu'il  confesse  qu'il  est  un  povre  ignorant,  et  aveugle  du  tout,  sinon  que  Dieu  l'adresse  par  son  sainct  Esprit.  Voire  et  nous  monstre  qu'il  a  eu  besoin  de  ces  deux  parties  de  la  grace  de  Dieu,  que  nous  avons  touchees:  c'est  ascavoir,  d'estre  enseigne  a  cognoistre  ce  qui  est  bon,  et  puis,  que  son  courage  fust  forme  a  s'y  tenir.  Ceste  circonstance  aussi  bien  est  a  noter:  c'est,  que  David  faisant  les  requestes  qui  sont  yci  contenues,  n'estoit  pas  novice:  Dieu  l'avoit  desia  enseigne  par  son  sainct  Esprit.  Qui  plus  est,  il  declare  qu'il  desiroit  desia  de  suyvre  Dieu,  et  obeir  a  ses  commandemens.  Pourquoy  donc  est-ce  qu'il  prie  derechef,  sinon  qu'il  sentoit  encore  beaucoup  d'infirmite  de  reste  en  luy,  et  qu'il  n'estoit  qu'au  milieu  du  chemin?  Cognoissons  donc,  que  ceux-mesmes  qui  sont  illuminez  par  l'Esprit  de  Dieu  et  ont  quelque  bonne  affection,  ne  doyvent  pas  se  contenter  de  cela,  comme  s'ils  estoyent  desia  venus  a  une  perfection  entiere:  mais  plustost  qu'ils  cognoissent  leur  foiblesse,  qu'ils  ne  sont  point  encore  tant  advancez,  qu'il  ne  salle  que  Dieu  les  face  perseverer,  et  qu'il  les  conferme  de  plus  en  plus.  Voyla  ce  que  nous  avons  encore  a  observer  en  l'exemple  de  David.  Or  suyvons  les  mots  desquels  il  use,  afin  que  la  somme  de  ceste  doctrine  soit  mieux  imprimee  en  nostre  memoire:  JEnseigne-moy,  Seigneur,  en  la  voye  de  tes  statuts,  et  que  ie  les  garde  {usqu'en  la  fin.  Yci  David  declare,  que  desia  il  avoit  bien  commence  de  servir  a  Dieu,  mais  il  sentoit  bien  que  les  hommes  estoyent  si  fragiles,  '  qu'ils  ne  peuvent  parvenir  iusques  au  but,  sinon  que  Dieu  les  fortifie:  parquoy  il  a  son  recours  a  ceste  vertu  d'en  haut,  par  laquelle  Dieu  remedie  aux  vices  des  siens,  laquelle  il  cognoit  bien  n'estre  pas  en  sa  nature.  Nous  voyons  donc,  quand  Dieu  nous  aura  tendu  la  main,  que  desia  nous  aurons  este  docteurs  de  nos  prochains,  si  ne  faut  il  point  presumer  de  nostre  vertu,  que  tousiours  nous  ne  soyons  sur  nos  gardes  :  que  nous  ne  demandions  a  Dieu  en  toute  humilite