25:531  531  COMMENTARIUS  IN  IOSUE  CAR  XVII.  532  Iericho,  egrediturque  ad  Iordanem.  8.  A  Thappuah  pergit  terminus  ad  mare  ad  torrentem  arundinis,  suntque  exitus  eius  ad  mare:  haec  est  haereditas  tribus  filiorum  Ephraim  per  familias  suas.  9.  Et  urbes  separatae  filiis  Ephraim  in  medio  haereditatis  filiorum  Manasse,  omnes  urbes,  et  villae  earum.  10.  Neque  expulerunt  Chananaeum  habitantem  in  Gazer:  Itaque  habitavit  Chananaeus  in  medio  Ephraim  usque  ad  diem  hanc,  et  fuit  tributo  serviens.  1.  Egressa  est  sors  filiis  Ioseph.  In  genere  primum  narrat  quae  sors  obtigerit  duobus  filiis  Ioseph  :  deinde  recenset  sortem  Ephraim.  Mirum  autem  est,  quum  dimidia  pars  tribus  Manasse  iam  locata  esset  trans  Iordanem:  plus  tamen  verborum  consumi  in  parte  illius  residua,  quam  in  tota  haereditate  tribus  Ephraim:  quae  tamen  ut  erat  populosior,  ita  merito  sibi  vendicabat  ampliorem  terram.  Verum  quod  prolixior  habetur  sermo  de  posteris  Manasse,  id  fit  per  occasionem,  quia  iterum  repetit  scriptor  libri,  quomodo  extra  sortem  illis  data  fuerit  sedes  in  regione  Basan.  Deinde  commemorat  sancitum  fuisse  a  Iosua  quod  Moses  ex  autoritate  Dei  praeceperat  quoad  filias  Selophead.  Quum  ergo  de  finibus  Ephraim  nulla  esset  dubitatio,  nec  futurum  esset  certamen,  breviter  perstringitur  eorum  sortitio.  Verum  hic  nova  quaestio  exoritur,  quum  ius  primogeniturae  a  Manasse  ad  Ephraim  transiisset,  quomodo  posteri  eius  qui  gradu  honoris  erat  superior  urbes  suas  obtinuerint  inter  filios  Manasse.  Videtur  enim  hoc  modo  deterior  fuisse  eorum  conditio.  Ego  vero  sic  interpretor:  Quum  latior  esset  pars  Manasse  quam  pro  hominum  numero,  supputatione  facta  detractas  fuisse  urbes  quae  iustam  portionem  tribus  Ephraim  conficerent:  non  ut  permixti  filiis  Manasse  quasi  precario  inter  ipsos  habitarent  :  sed  quia  longius  protensi  fuerunt  eorum  termini  versus  ipsos,  quibus  sufficere  poterat  angustior  possessio.  Caeterum  in  fine  capitis  probro  notatur  mollities  Ephraim,  quod  Chananaeum  non  expulerit  a  Gaser,  quia  si  viriliter  et  cordate  progressi  essent  ad  terram  quae  sorte  obvenerat  vendicandam,  in  manu  erat  victoria:  quia  nihil  temere  aggressi  essent,  eo  quod  tantundem  valebat  sortitio,  ac  si  Deus  ipse  manum  e  coelo  porrigeret.  Sed  clarius  exprimitur  foeda  eorum  segnities,  et  culpa  exaggeratur,  quod  tributarios  sibi  fecerint  quibuscum  ullo  modo  transigere  fas  non  erat.  Quum  itaque  diserte  vetuisset  Deus  populum  suum  quidquam  negotii  contrahere  cum  illis  gentibus,  maxime  autem  pacisci  de  venia  et  salute,  longe  gravius  peccarunt  filii  Ephraim  tributum  exigendo,  quam  si  eos  absque  pactione  tolerassent.