9:530  tiae  et  versutiae  exemplum  reperire,  difficile  esset.  Facessant  igitur  e  medio  decipulae,  quibus  nimium  credulos  deludere  tentavit:  ne  fallaces  praetextus,  quibus  favorem  venatus  est,  iniquo  praeiudicio  causae  veritatem  gravent.  Ego  vicissim,  ne  videar  acquirendae  fidei  causa  obtendere  [pag.  7]  personam,  quae  lectores  suo  pondere  moveat,  nomen  meum  subticebo.  Prodit  in  medium  pacificator  quidam,  ac  se  brevem  et  expeditam  rationem  afferre  praedicat,  qua  dirimantur  omnes  controversiae  quibus  hodie  laborat  ecclesia.  Exclamare  libet:  Quid  dignum  tanto  feret  hic  promissor  hiatu?  Nolim  tamen  sperni,  si  quod  utile  afferat,  nec  vero  temere  despiciendus  est,  qui  experientia  duce  et  magistra,  post  varias  fluctuationes  tandem  portum  securitatis  reperit,  ad  quem  alios  invitat.  Sed  hic  cavendum  est,  ne  ubi  imago  quieti  portus  ostenditur,  [pag.  8]  errore  trahamur  in  arenas,  quae  nos  absorbeant.  Et  certe  mox  deprehendent  quicunque  mediocri  iudicio  erunt  praediti,  satius  esse  duriter  vexari  infer  scopulos  quoslibet,  quam  demergi  in  hac  palude,  quae  loco  portus  ab  hoc  bono  et  fido  duce  ostentatur.  Quia  autem  suspicatus  est  non  posse  omnes  suis  illecebris  facile  incantari,  postulat  ut  eo  animo  feramus  a  nobis  dissentientem,  quo  nos  ipse  tolerat,  dum  ab  ipso  dissidemus.  Magnum  certe  et  primariae  autoritatis  virum  esse  oportet,  a  cuius  sententia  fas  non  sit  discrepare,  nisi  par  pari  reddatur,  ut  libere  reiiciat  quidquid  displicuerit.  Nempe  [pag.  9]  laudabili  modestia  nomen  suum  ideo  suppressit,  ne  eius  fulgore  nos  obrueret.  Sed  homo  ἀνώνυμος  meliore  se  exornat  elogio:  quod  iam  inde  ab  adolescentia  rituum  ecclesiae  observantissimus  fuerit:  sic  tamen  ut  natura,  vel  divino  potius  impulsu,  omnem  superstitionem  vehementer  sit  detestati!?.  Rara  indolis  felicitas  et  incredibilis:  toto  mundo  caecutiente>  unum  ipsum  fuisse  in  ea  aetate  perspicacem.  Ac-*  34