6:530  imperio  aliquantulum  remittant,  eone  sponte  unquam  descendent,  ut  se  in  ordinem  coactis  Christi  regnum  erigatur?  Quorsum  igitur  illis  mandetur  reformandae  ecclesiae  cura,  nisi  ut  oves  lupis  exponantur?  Si  alterutrum  accidere  necesse  sit,  praestare  tamen  ecclesiam  pro  derelicta  desperataque  haberi,  quam  in  tales  medicos  incidere.  Decuerat  quidem  eos,  qui  pastorum  nomen  locumque  obtinent,  primos  omnium  advolare  ad  opem  illi  ferendam.  Decuerat,  fateor,  duces  eos  se  profiteri:  principes  vero  se  illis  comites  adiungere  in  opere  tam  sancto,  et  adiutores.  Sed  quid,  si  non  faciunt?  Quid,  si  fieri  ab  aliis  nolunt?  Quid,  si  ad  impediendum  nullum  non  movent  lapidem?  An  respiciendi  tum  quoque  nobis  sunt,  ne  quis  se  moveat,  donec  ipsi  digitum  sustulerint?  adhucne  audienda  illa  solennis  eorum  cantilena:  nihil  [pag.  135]  tentandum  donec  pontifex  approbaverit  ?  Sic  ergo  habeat  tua  Maiestas:  adeoque  vos  simul  omnes  reputate  cum  animis  vestris,  illustrissimi  Principes,  virique  ornatissimi,  ecclesiam  a  suis  pastoribus  non  modo  proditam,  desertam,  destitutam,  sed  vexatam,  afflictam  extrema  calamitate,  denique  exitio  destinatam,  ad  fidem  vestram  confugere.  Quin  potius  sic  existimate:  offerri  hic  vobis  a  Deo  materiam,  in  qua  specimen  edatis  insigne  ac  testatum  vestrae  erga  se  observantiae.  Nihil  est,  quod  nobis  omnibus  maiori  curae  esse,  et  in  quo  elaborare  nos  intentiore  studio  velit  Deus,  quam  ut  illibata  maneat  nominis  sui  gloria,  ut  regnum  suum  floreat,  ut  pura  vigeat  illa  doctrina,  quae  sola  ad  ipsum  rite  colendum  praelucere  nobis  debet.  Quanto  igitur  magis  haec  principes  curare,  haec  meditari,  haec  agere  et  persequi  decet?  quos  ideo  nominis  sui  communicatione  dignatus  est,  ut  gloriae  suae  custodes  sint  in  terris  ac  vindices.  Nolite,  obsecro,  profanis  hominibus  aurem  accommodare,  qui  vel  fallaci  concilii  ostentatione  vos  lactant,  ne  quid  levationis  ex  vobis  sentiat  ecclesia:  vel  hanc  causam,  quum  sit  omnium  maxima,  extenuant,  quo  sitis  ad  eam  suscipiendam  remissiores:  vel  ad  violentas  eius  transigendae  rationes  impellunt.  Hactenus  operam  perdiderunt,  qui  te  ad  saevitiam  inflammare,  invictissime  Caesar,  et  tibi  quodammodo  arma  induere  conati  sunt.  Praeclaram  certe  et  mansuetudinis  et  prudentiae  laudem  ad  posteros  consequutus  es,  quod  turbulentis  consiliis,  quibus  saepe  [pag.  136]  multumque  tentatus  es,  nunquam  te  a  perpetua  moderatione  passus  es  dimoveri.  Ea  laus  ne  quando  tibi  extorqueatur  hostium  nostrorum  importunitate,  etiam  atque  etiam  vide.  Si  terreantur  haeretici,  non  doceantur,  improbam  esse  dominationem  Augustinus1)  agnoscit.  Si  hac  1)  Ep.  48  ad  vincentium.