5:530  moi  sept  mille  hommes,  qui  n'ont  point  courbe  leurs  genoulz  devant  Baal.  Christ  appelle  telles  reliques  ses  ouailles  qui  oient  sa  voix,  et  qui  le  suyvent,  destinees  particulierement  de  Dieu,  non  pour  se  recueillir  hors  de  ceste  maison,  faisans  une  assemblee  a  part,  mais  a  ce  qu'en  icelles  ceste  grande  maison  soit  conservee,  fortifiee  et  soubstenue,  de  paour  qu'elle  ne  perisse  du  tout.  Car  icelles  mesmes  sont  la  maison  fondee  sur  la  roche  contre  laquelle,  si  toutes  choses  adverses  faisoient  effort,  ce  neantmoins  elle  persistera  tousiours  ferme,  stable  et  immobile  (Matth.  7,  24).  Et  ia  soit  que  ceste  grande  maison  ne  fiorisse  pas  tousiours  egalement  en  multitude  de  gens  craignans  Dieu,  et  qu'il  n'y  ayt  pas  tousiours  une  mesme  clarte  de  la  parolle  :  il  ne  fault  doubter  ny  craindre  toutefoys,  qu'en  icelle  ne  soit  conservee  la  vraye  Eglise  laquelle  seule  a  Function  de  l'esprit,  qui  nous  instruict  en  toutes  choses.  Or  elle  est  conservee  cependant  que  l'unite  de  doctrine  est  retenue  a  tout  le  moings  es  choses  qui  sont  necessaires  a  reverence  divine  et  salut.  Car  il  y  en  a  eu,  sont  et  seront  tousiours  en  ceste  grande  maison,  qui  contregardent  sans  macule  ceste  doctrine  establye  en  foy,  esperance  et  charite.  Be  penitence  apres  le  tresbuchement.  En  ceste  seule  Eglise  Catholique  est  remission  des  pechez,  laquelle  est  donnee  aux  repentans,  non  seulement  au  baptesme,  mais  aussi  apres.  Semblablement  les  pechez  legiers  ne  sont  point  seulement  remiz  en  ceste  Eglise,  entant  que  iceux  par  assidue  sanctification  de  nous  mesmes  peuvent  estre  repurgez:  mais  aussi  les  gros  vices  et  crimes,  desquelz  parle  l'Apostre,  que  ceux  qui  font  telles  choses  ne  possederunt  point  le  royaume  de  Dieu  (1  Cor.  6,  10).  Et  en  un  aultre  lieu  (2  Cor.  12,  20):  Ie  crains  (ditil)  que  quand  de  rechef  ie  viendray  a  vous,  Dieu  ne  me  humilie  envers  vous,  et  que  ie  ne  mene  dueil,  pour  plusieurs  de  ceux  [fol.  21]  qui  ont  auparavant  peche  et  n'ont  faict  penitence  de  leur  souilleure,  et  impudici  te  qu'ilz  ont  commise.  Parquoy  a  iuste  cause  les  Novatiains,  qui  aultrement  sont  appellez  Cathares,1)  ont  este  condemnez,  entant  qu'ilz  denioyent  remission  des  pechez  a  ceux  qui  estoient  tresbuchez.  Car  il  n'y  a  que  le  seul  peche  d'incredulite,  ou  d'obstmation  perseverante  iusque  a  la  fin,  et  blaspheme  contre  le  S.  Esprit,  et  le  peche  de  desperation,  qui  n'obtient  point  de  pardon  ,  ny  en  ce  siecle  ny  au  futur  (Matth.  12,  32).  Duquel  peche  on  pourra  entendre,  ce  qui  est  escript  aux  Ebrieux  (6,  4):  Impossible  est,  que  ceux  qui  1)  Note  marginaie:  C'est  a  dire  purs.