35:530  fideles,  que  Dieu  n'est  pas  le  Dieu  des  morts.  Tous  ceux  donc  qui  sont  comprins  au  rang  de  son  peuple,  ont  ete  asseurez  d'avoir  une  vie  permanente  et  qui  durera  a  iamais.  Et  d'autre  coste  il  est  dit  que  Dieu  s'appelle  le  Dieu  d'Abraham,  d'Isaac  et  de  Iacob,  longtemps  apres  leur  trespas.  Il  falloit  donc  qu'ils  vescussent.  Ainsi  donc  les  fideles  ont  bien  eu  ceste  asseurance  la,  que  Dieu  ne  les  nourrissoit  point  en  ce  monde  comme  des  bestes  brutes:  mais  qu'il  leur  donnoit  quelque  goust  de  sa  bonte,  iusques  a  ce  qu'ils  en  eussent  plene  iouissance  apres  la  mort.  Mesmes  voyla  Balaam  qui  n'a  iamais  rien  cognu  de  la  Loy,  et  toutes  fois  il  ne  laisse  pas  de  dire,  Que  mon  ame  meure  de  la  mort  des  iustes,  et  que  mon  issue  soit;  telle  qu'elle  sera  a  ceux  la!  Il  desire  de  s'accoupler  a  la  race  d'Abraham:  et  toutes  fois  c'estoit  un  meschant  et  reprouve.  Et  qui  le  fait  parler  ainsi?  C'est  qu'il  est  la  comme  a  la  torture  et  Dieu  arrache  de  luy  ceste  confessionla.  Or  si  Balaam  qui  estoit  possede  du  diable  pour  avoir  la  langue  a  loage  afin  de  maudire  le  peuple  de  Dieu,  a  este  contraint  de  parler  ainsi,  que  penserons  nous  de  ceux  qui  vrayement  avoyent  profite  en  la  Loy  de  Dieu?  Mais  quoy  qu'il  en  soit,  si  est-ce  que  les  Peres  anciens  n'ont  pas  eu  une  cognoissance  si  claire  et  patente  de  la  vie  celeste  comme  nous  l'avons  auiourd'huy  en  l'Evangile.  Cela  aussi  a  este  reserve  iusques  a  la  venue  de  nostre  Seigneur  Iesus  Christ.  Et  c'estoit  bien  raison  :  car  mesmes  nous  avons  un  bon  gage  de  nostre  vie  en  nostre  Seigneur  Iesus  Christ  en  ce  qu'il  est  ressuscite:  et  que  ce  n'est  pas  pour  luy  seul,  mais  pour  tout  son  corps.  Voyla  donc  une  plene  certitude  que  Dieu  donne  en  la  personne  de  nostre  Seigneur  Iesus  Christ,  que  nous  passons  par  ce  monde  a  fin  de  parvenir  a  la  vie  perdurable.  Les  Peres  anciens  ne  sont  pas  venus  a  un  tel  degre,  ils  n'ont  pas  este  si  avancez:  mais  quoy  qu'il  en  soit  si  est-ce  que  le  goust  qu'ils  ont  eu  de  la  vie  celeste  leur  a  suffit,  et  qu'ils  se  sont  rendus  paisiblement  a  Dieu.  Et  defaict,  nous  ne  lisons  pas  qu'ils  se  soyent  beaucoup  tormentez  en  la  mort.  Comme  quand  Abraham  trespasse,  il  ne  fait  pas  des  lamentations,  des  regrets  et  complaintes  comme  le  Roy  Ezechias:  mais  il  est  soule  de  vivre  et  rassasie,  dit  l'Escriture.  Autant  en  est-il  d'Isaac  et  de  Iacob:  I'espereray  en  ton  salut  mon  Dieu,  dit-il  en  rendant  le  dernier  souspir.  Combien  que  Iesus  Christ  n'estoit  point  encores  apparu  au  monde,  si  est-ce  qu'il  ha  en  luy  une  esperance  ferme  et  indubitable,  et  qu'il  s'asseure  de  son  salut  comme  s'il  le  tenoit  en  sa  main.  Ainsi  donc  nous  voyons  que  les  saincts  Peres  n'ont  pas  este  en  doute,  ni  en  suspens,  tellement  que  tousiours  ils  n'ayent  aspire  a  la  vie  celeste,  et  que  ce  n'ait  este  leur  desir  souverain  d'y  parvenir.  34