25:530  circumdedit  filiis  Iuda:  sed  nunc  alia  ratione  ostenditur,  quam  ampla  et  fertilis  illis  obtigerit  ditio,  in  quo  etiam  refulget  summa  Dei  liberalitas.  Numerantur  centum  et  tredecim  urbes  cum  oppidis  et  villis,  qui  numerus  non  tantum  frequentiam  hominum  testatur,  sed  terrae  quoque  ubertatem.  Neque  tamen  dubium  est,  quin  Dei  benedictione  nova  indita  fuerit  fertilitas.  Fulgere  tamen  in  ipsa  terrae  natura  Dei  gratiam  oportuit,  dum  omni  bonorum  copia  refertam  populo  suo  delegit.  Nunc  si  homines  tribus  respicimus,  dimidia  pars  regionis  abunde  sufficere  illis  potuit  ad  habitandum.  Nam  ut  octingenti  distributi  essent  in  singulas  urbes:  residuae  multitudini  manebant  oppida  et  villae.  Et  certe  paulo  post  detracta  fuit  portio,  quae  tribui  Simeon  daretur.  Nam  ita  completa  fuit  dispersio  de  qua  vaticinatus  erat  Iacob  (Gen.  49,  7),  ut  posteritas  Simeon,  quasi  in  alieno  solo  peregrinaretur.  Ergo  a  filiis  Iuda  admissi  sunt  tanquam  hospites.  63.  Porro  Iebusaeos.  Hoc  ad  excusandum  populum  nihil  facit,  neque  in  eum  finem  ponitur:  quia  si  pro  virili  incubuissent,  et  destituti  essent  successu,  recidebat  dedecus  in  ipsum  Deum,  qui  promiserat  se  illis  perpetuum  fore  ducem,  donec  terram  illis  vacuam  traderet:  ac  missurum  crabrones,  qui  incolas  abigerent  (Deut.  7,  20).  Ergo  nonnisi  per  illorum  ignaviam  stetit  quominus  potiti  fuerint  urbe  Ierusalem.  Itaque  non  potuerunt,  quia  obstaculo  illis  fuit  suus  torpor,  dum  quietis  desiderio  Dei  mandatum  neglexerunt.  Locus  notatu  dignus:  ut  discamus  alacriter  vires  nostras  experiri  in  aggrediendis  Dei  praeceptis:  nec  occasionem  praetermittere,  ne  cessantibus  claudatur  ianua.  Reprehensione  vacasset  modica  dilatio:  sed  longi  temporis  mollities  Dei  benedictionem  quodammodo  repulit.  CAPUT  XVI.  1.  Egressa  est  autem  sors  filiis  Ioseph  a  Iordane  Iericho,  ad  aquas  Iericho,  ad  orientem,  ad  desertum  quod  ascendit  a  Iericho  in  montem  Beth-el.  2.  Egrediturque  a  Beth-el  in  Luis,  et  hinc  pertransit  ad  terminum  Archi-Ataroth.  3.  Postea  ascendit  ad  mare,  ad  terminum  Iaphleti,  usque  ad  terminum  Bethhoron  inferiorem,  et  usque  ad  Gaser,  suntque  exitus  eius  ad  mare.  4.  Itaque  haereditatem  acceperunt  filii  Ioseph,  Manasses  et  Ephraim.  5.  Fuit  autem  terminus  filiorum  Ephraim  per  familias  suas,  fuit  inquam,  terminus  haereditatis  eorum  ad  orientem  ab  Atroh-  Addar,  usque  ad  Beth-horon  superiorem.  6.  Et  exit  terminus  ille  ad  mare,  ad  Michmethah  ab  aquilone:  et  circumit  terminus  ad  orientem,  ad  Thaanathsiloh,  et  transit  Ulam  ab  oriente  ad  Ianoah.  7.  Et  descendit  a  Ianoah  in  Ataroth,  et  Maarath,  et  pervenit  in  34