8:53  53  DE  SCANDALIS.  54  (Marc.  9,  42).  Nostrum  tamen  interea  est,  ea  quam  Dominus  sternit  via  ad  metam  properare.  Scandalum  tamen  hac  in  parte  duplicatur,  ubi  ad  scelerum  indignitatem  privatum  damnum  accedit.  Alii  benigne  hospitio  excepti,  vel  furto  onusti  elam  abeunt,  vel  aliis  modis  hospites  defraudant,  vel  sollicitant  ad  stuprum  ancillas,  ac  interdum  etiam  uxores  tentare  audent.  Alii  ad  captandum  miri  artifices  nudatos  relinquunt,  quibus  aureos  montes  pollicebantur.1)  Alii  in  mutuo  fallunt:  alii  [pag.  66]  abnuunt  depositum:  alii  in  societate  perfidi.  2)  Alii  quam  eleemosynae  nomine  pecuniam  a  bonis  frugique  hominibus  abstulerunt,  vel  in  scortationem  consumunt,  vel  in  aleam,  vel  profusos  alios  luxus.  Alii  quod  ad  iuvandam  eorum  industriam  mutuo  datum  fuerat,  audacter  in  otio  heluantur.  Atque  ad  haec  flagitia  nonnulli  socias  habent  uxores.3)  Alii  sacrosanctum  coniugii  vinculum,  deceptis  uxoribus,  et  abiectis  liberis,4)  violare  non  dubitant.  Plura  sunt  eiusmodi  facinorum  exempla,  quam  quibus  recitandis  brevis  catalogus  sufficiat.  Fieri  certe  non  potest,  quin  grave  acerbumque  ingenuis  animis  vulnus  infligat  istorum  hominum  perfidia.  Praesertim  vero  consternari  bonos  viros  necesse  est,  qui  quum  tenue  haberent  peculium,  se  evangelii  praetextu,  non  secus  ac  si  in  praedonum  manus  incidissent,  spoliatos  vident,  atque  ad  inopiam  redactos.  Atque  hoc  inter  duriora  nostra  exercitia  memorandum  est,  quod  videre  cogimur,  qui  sic  impune  evangelio  illudant.  Verum,  si  merito  prohibet  Deus  per  os  Pauli,  ne  multos  ingratos  et  pravos  experti  tamen  benefaciendo  fatigemur  (2  Thess.  3,  13)  :  idque  facit,  ne  cui  probo  et  egenti  desint  nostra  officia:  quanto  diligentius  cavendum,  ne  hominum  perversitas  eo  nos  morositatis  adducat,  ut  simus  erga  Deum  ingrati  et  impii?  Quemadmodum  igitur  acriter  vigilare  nos  decet,  ne  eiusmodi  nebulonibus  aperta  sit  ianua  ad  nocendum,  obviam  eundum  illorum  insidiis:  danda  opera,  quantum  in  nobis  est,  ut  per  magistratus  severe  vindicentur  fraudes  et  maleficia:  ut  quibus  ludibrio  est  vox  Domini,  quique  ecclesiam  contumeliose  subsannant,  carnificem,  ut  digni  sunt,  habeant  magistrum,  et  furcas,  scholam  :  ita  rursum  aliquanto  diligentius  cavendae  sunt  Satanae  insidiae,  ne  obiecta  caducae  pecuniae  iactura  coelestem  nobis  [pag.  67]  thesaurum  excutiat.  Nam  et  id  molitur,  et  nobis  longe  magis  exitiale  est.  Quisquis  spem  habet  in  Christo,  inquit  Ioannes,  se  ipsum  sanctificat  1)  II  y  a  des  affronteurs  infinis  qui  feront  accroire  merveilles  et  trouveront  moyen  de  crocheter  Ies  bourses  de  ceux  qui  les  veulent  croire.  2)  Les  autres  sous  ombre  de  compagnie  ou  de  marchez  et  traffiques  escumeront  toute  la  substance  d'un  povre  homme.  3)  Add.  si  l'un  veut  chopine,  l'autre  dit  pinte.  4)  placquans  la  femme  et  enfans.