54:53  SUR  LA  SECONDE  A  TIMOTHEE.  54  l'un,  et  a  reprouve  l'autre,  toutesfois  il  a  preveu  (comme  toutes  choses  luy  sont  presentes)  qu'Esau  devoit  estre  un  homme  profane,  un  contempteur  de  tout  bien,  et  que  Iacob  devoit  estre  tel  qu'il  s'est  declare  avec  le  temps.  Voila  comme  telles  gens  bastissent.  Mais  ce  sont  speculations  frivoles.  Car  ��'est  pleinement  desmentir  sainct  Paul,  lequel  veut  prouver  que  Dieu  n'a  point  rendu  salaire  a  nos  oeuvres  quand  il  nous  a  eleus,  d'autant  que  cela  s'est  fait  devant  la  creation  du  monde.  Mais  encores  que  l'authorite  de  sainct  Paul  n'y  fust  point,  si  est-ce  que  la  chose  est  toute  patente,  tellement  que  ceux  qui  veulent  eschapper  par  un  tel  subterfuge,  se  monstrent  bestes,  et  gens  trop  mal  exercez,  ie  ne  di  pas  seulement  en  l'Escriture  saincte,  mais  en  toute  raison.  Car  si  on  espluche  ce  qui  est  aux  hommes,  qu'est-ce  qu'on  y  trouvera,  ie  vous  prie?  Tout  le  genre  humain  n'est-il  pas  maudit?  Et  qu'apportons-nous  du  ventre  de  la  mere  sinon  toute  iniquite?  Nous  ne  differons  donc  de  rien  l'un  de  l'autre,  sinon  d'autant  qu'il  plaist  a  Dieu  de  recueillir  a  soy  ceux  qu'il  veut.  Et  voila  pourquoy  aussi  sainct  Paul  use  de  ce  mot  en  un  autre  passage,  quand  il  dit  que  les  hommes  n'ont  dequoy  se  glorifier,  pource  que  nul  ne  se  trouvera  point  excellent  par  dessus  ses  prochains,  sinon  entant  que  nous  sommes  discernez  de  Dieu.  Puis  qu'ainsi  est  donc  que  c'est  l'office  de  Dieu  de  nous  discerner  d'avec  ceux  qui  demeurent  en  leur  condamnation,  cognoissons  que  tous  seroyent  perdus  sinon  que  le  remede  veinst  d'ailleurs.  Ainsi  doncques,  quand  nous  aurons  confesse  que  Dieu  nous  aura  eleus  devant  que  le  monde  fust  cree,  il  s'ensuit  de  la  qu'il  nous  a  donc  preparez  pour  recevoir  sa  grace,  qu'il  a  mis  le  bien  en  nous  qui  n'y  estoit  point  auparavant,  que  non  seulement  il  nous  a  choisis  pour  heritiers  de  son  Royaume,  mais  qu'il  nous  a  quant  et  quant  marquez  afin  de  nous  iustifier,  afin  de  nous  gouverner  par  son  sainct  Esprit.  Et  ceste  doctrine-ci  doit  estre  tellement  asseuree  et  resolue  entre  les  chrestiens,  que  si  on  la  mesprise,  comme  nous  en  voyons  beaucoup  d'effrontez  qui  auiourd'huy  voudroyent  avoir  esteint  la  verite  de  Dieu,  il  faut  que  nous  cognoissions  ceux-la  estre  repugnans  au  sainct  Esprit,  voire  comme  des  taureaux,  et  des  bestes  furieuses  qui  veulent  aneantir  toute  l'Escriture  saincte.  Car  de  faict,  il  y  a  plus  d'honnestete  aux  Papistes,  qu'il  n'y  a  pas  en  eux:  car  la  doctrine  des  Papistes  est  beaucoup  meilleure  et  plus  saincte,  et  plus  conforme  a  l'Escriture  saincte,  que  n'est  celle  de  ces  meschans  vileins  qui  auiourd'huy  renversent  la  saincte  election  de  Dieu,  ces  chiens  qui  abbayent  a  l'encontre,  ces  pourceaux  qui  vienent  confondre  tout  de  leur  groin,  comme  nous  voyons  auiourd'huy  que  ceste  impiete  se  declare  par  trop.  Or  quoy  qu'il  en  soit,  retenons  ce