51:53  53  SUR  L'EPITRE  AUX  GALATES.  point  assez  qu'un  chacun  proteste  d'avoir  l'Esprit  de  Dieu  habitant  en  son  coeur,  car  il  n'est  pas  oisif  :  s'il  y  est,  il  faut  qu'il  se  demonstre.  Quand  donc  on  voudra  iuger  si  l'Esprit  de  Dieu  habite  en  nous,  il  faut  venir  a  nos  oeuvres  et  a  nostre  vie,  et  selon  que  nous  cheminerons,  on  pourra  voir  quels  nous  sommes,  et  quel  est  le  dedans,  et  on  iugera  par  les  fruicts  qui  sont  exterieurs  et  apparoissans.  Comme  quand  on  me  voudra  faire  accroire  qu'une  statue  soit  un  homme  vif  a  la  voir,  il  u'y  a  nul  mouvement  ni  en  la  teste  ni  aux  pieds:  on  pousse,  on  hurte,  on  void  qu'il  n'y  a  point  d'ame  au  dedans,  qui  me  fera  accroire  qu'une  piece  de  pierre  se  bouge,  et  qu'elle  ait  quelque  vertu,  et  que  ce  soit  une  creature  ayant  ame?  Ainsi  en  est-il  de  ceux  qui  se  vantent  d'estre  spirituels:  car  combien  que  les  incredules  et  ennemis  de  Dieu  soyent  vivans  quant  au  corps,  si  est-ce  qu'ils  sont  morts  quant  a  la  vie  celeste,  pour  ce  que  leur  ame  est  toute  corrompue:  mais  nous  vivons  quant  a  Dieu  par  la  grace  de  son  sainct  Esprit.  Or  si  ceste  grace  la  est  en  nous,  elle  n'y  peut  estre  oisive,  comme  i'ay  dit.  Et  voila  pourquoy  sainct  Paul  dit  qu'en  cheminant  nous  declarerons  si  nous  vivons  d'Esprit.  Ce  mot  de  Cheminer  est  assez  commun  en  l'Escriture  saincte,  quand  il  est  question  de  toute  la  conduite  de  nostre  vie:  mais  encores  il  n'y  a  pas  ici  seulement  cheminer.  Le  mot  dont  use  8.  Paul  emporte  plus:  c'est  a  scavoir  cheminer  par  ordre,  comme  s'il  disoit,  qu'il  nous  faut  renger  a  ce  qui  est  conforme  a  la  volonte  de  Dieu,  et  a  son  sainct  Esprit,  qu'il  faut  qu'il  y  ait  une  telle  reigle  en  nostre  vie,  qu'on  cognoisse  que  vrayement  Dieu  nous  gouverne,  et  que  nostre  Seigneur  Iesus  nous  a  retenus  a  soy  comme  membres  de  son  corps,  et  que  vrayement  il  nous  a  testifie  qu'il  habite  en  nous  par  son  sainct  Esprit.  Il  faut  donc  en  somme  que  cela  soit  cognu.  Or  en  somme  S.  Paul  a  ici  voulu  descouvrir  la  feintise  de  tous  ceux  qui  font  belle  profession  de  bouche,  et  qui  voudroyent  faire  accroire  merveilles  de  leur  zele  :  cependant  en  toute  leur  vie  monstrent  qu'ils  n'ont  nulle  affection  d'approcher  de  Dieu,  qu'ils  n'ont  nulle  crainte  de  sa  parole.  Toutes  telles  gens  donc  sont  ici  conveincus  de  mensonge  et  de  desloyaute.  Et  ainsi  pour  iuger  quels  sont  les  enfans  de  Dieu  venons  a  l'examen  de  nostre  vie.  Vray  est  que  quelquefois  (comme  nous  avons  touche  ci  dessus)  les  poures  ignorans,  et  qui  n'ont  iamais  eu  instruction  de  ia  Loy,  auront  quelque  apparence  de  vertu:  mais  si  on  les  sonde  de  pres,  on  trouvera  qu'il  n'y  a  qu'un  ombrage,  et  qu'ils  ne  sont  point  affectionnez  ni  a  aimer  leurs  prochains,  ni  de  cheminer  selon  Dieu:  bref,  l'examen  de  nostre  vie  ne  pourra  mentir.  Or  cependant  aussi  sainct  Paul  a  voulu  confermer