5:53  LIBER  L  CAPUT  V.  dat,  praetermittit,  indulget,  ad  opus  illectat  magis  quam  cogit.  Quamobrcm  Petrus  in  sua  canonica,  non  vult  dominos  esse  dyscolos,  hoc  est  morosos,  et  servis  difficiles.  1)  Quia  enim  memorabilius]  Alia  ratio  amplificationis.  Imperant  leges  privatis  hominibus.  Statuunt  leges  quid  marito  liceat  in  uxorem,  quid  patri  in  liberos,  quid  domino  in  servos.  Si  transgreditur,  praesentanea  est  ultio.  Prohibent  leges,  ne  civis  civi  damnum  det.  Quod  si  civis  contra  civem  velit  exsequi  rabiem  et  saevitiam,  non  poterit,  ne  cum  discrimine  quidem  cupitis  et  fortunarum.  Alia  principis  est  licentia.  Verba  regis  sunt  imperia.  Atque,  ut  ait  Homerus  in  quodam  hymno,  ἀμφ'  ἔπος  τε  καὶ  ἔργον.  Deinde  opus  suum  omnibus  approbat,  nempe  laudantibus  quod  corrigere  non  possunt.  Non  sunt  tribuni,  qui  intercedant;  non  est  superior,  qui  appelletur.  Is  igitur  cui  omnium  consensu  summa  rerum  sic  est  delata,  quibus  laudibus  pro  merito  extolletur,  si  sibi  ipse  temperantiam  imperaverit,  si  intercesserit  sibi,  si  ad  se  ipsum,  sed  clementiorem,  provocaverit?  Nemo  interrogaturus  ess]  Verbi  huius  elegantia  non  est  vulgaris.  Ponitur  enim  pro  accusare  efc  postulare  apud  iudicem.  Quare  saepius  dicitur  cum  adiecto  legibus  interrogare.  Cicero  pro  Domo  sua:  Quis  me  unquam  ulla  lege  interrogavit?  quis  postulavit?  quis  diem  dixit?  Salustius  in  Catilina:  P.  Antronius2)  et  P.  Sylla  designati  consules  legibus  ambitus  interrogati,  poenas  dederant.  Item:  Et  ipse  Plautia  lege  interrogatus  erat  ab  L.  Paulo.  Livius  libro  tricesimo  octavo:  Alii  neminem  unum  tantum  eminere  civem  debere,  ut  legibus  interrogari  non  possit.  Tacitus  lib.  XIII.:  Sane  pepigerat  Pallas,  ne  cuiusquam  facti  in  praeteritum  interrogaretur.  Et  lib.  XIV.  :  Damnatus  iisdem  consulibus  Tarquinius3)  Priscus  repetundarum,  Bithynis  interrogantibus.  Cicero  Offic.  I.  dixit  appellare,  et  Philippica  II.  appellatum  de  pecunia.  Ipsum  sibi  manum  iniieere]  ld  est  suos  affectus  in  potestatem  redigere,  et  intra  modum  continere.  Vergilius  Aeneidos  X.:  Iniecere  manum  Parcae.  Traxerunt  debitum  sibi,  inquit  Servius,  et  sermone  usus  est  iuris.  Nam  manus  iniectio  dicitur,  quoties  nulla  iudicis  autoritate  exspectata,  rem  nobis  debitam  vindicamus.  Hanc  Servii  interpretationem  comprobat  carmen  Ovidii  Elegiarum  L:  Et  dicam,  mea  sunt:  iniiciamque  manus.  et  libro  secundo:  1)  Videtur  respicere  ad  Ephes.  VI.  9  aut  Col  IV.  1.  Nam  apud  Petrum  haec  non  leguntur.  Verum  nec  dvcxokog  paulinum  est.  Caeterum  vides  eum  de  Petri  canonica  dicere  quasi  unica.  2)  Sic  omnes  praeter  Anvst  ubi  Antonius.  3)  Apud  Tacitum  hodie  habetur  Tarquitius.