44:53  53  CAPUT  III.  54  hospitium  hoc  aliis  omnibus  praetulit?  nempe  inquit,  Non  faciet  iniquitatem.  Reputate  nunc  apud  vos  quaenam  sit  Dei  natura.  Nam  quum  voluit  habitare  inter  vos,  certe  non  abnegavit  se  ipsum  propterea,  neque  a  se  ipso  descivit.  Non  est  igitur  fingenda  vobis  haec  conditio,  quasi  Deus  in  gratiam  eorum,  quibus  sese  devinxit,  velit  abiicere  suam  iustitiam,  velit  sese  polluere  hominum  inquinamentis:  stulte  haec  Iudaeos  comminisci  admonet.  Deus  ergo  qui  habitat  in  medio  vestri,  non  faciet  iniquitatem,  hoc  est,  non  subscribet  vestris  sceleribus,  neque  etiamsi  ad  tempus  dissimulet,  tamen  in  finem  usque  vos  tolerabit.  Nolite  igitur  vobis  stulte  blandiri,  quasi  Deus  esset  approbator  scelerum  vestrorum.  Quidam  hoc  referunt  ad  populum,  non  debuerat  facere  iniquitatem.  Sed  dura  est  expositio  et  prorsus  aliena  a  contextu.  Alii  omnes  interpretes  exponunt  Deum  esse  iustum,  neque  iniquitatem  facere,  quia  legitimas  haberet  causas  exercendae  vindictae  contra  tam  sceleratum  populum.  Putant  igitur  prophetam  antevertere,  ne  Iudaei  obmurmurent  quasi  crudelis  vel  nimium  rigidus  esset  Dominus.  Non  faciet  iniquitatem,  hoc  est,  Dominus  etiamsi  gravissimas  poenas  de  vobis  exigat,  non  potest  tamen  in  iudicium  a  vobis  trahi,  et  frustra  litem  ei  obtenditis,  quia  semper  reperietur  iustus  Iudex.  Sed  illud  etiam  nimis  frigidum  est.  Teneamus  quod  iam  dixi,  prophetam  hic  per  speciem  ironiae  concedere  Iudaeis  Deum  habitare  inter  ipsos:  sed  postea  reiicere  in  eos  quod  putabant  sibi  esse  praesidio:  Deus  habitat  in  medio  vestri:  Fateor,  inquit:  sed  Deus  ipse  nonne  iustus  est?  Nolite  igitur  somniare  similem  esse  vobis,  qui  scelera  vestra  foveat.  Deinde  non  faciet  Deus  iniquitatem,  hoc  est,  non  poteritis  hoc  impetrare,  ut  sibi  ipse  renuntiet,  vel  mutet  naturam  causa  vestra.  Quorsum  ergo  habitat  Deus  in  medio  vestri?  Mane  mane  iudicium  suum  preferes}  in  lucem,  inquit,  hoc  est,  quotidie  Dominus  proferet  suum  iudicium.  Quomodo  autem  hoc  intelligi  debeat,  cras  fusius  disseremus.  Coepimus  heri  exponere  hanc  sententiam,  ubi  propheta  dicit  Deum  habitare  Ierosolymae,  sed  interea  esse  iustum,  nec  fieri  posse,  ut  se  adiungat  socium  improbis  et  sceleratis:  quia  non  mutabit  naturam  suam  in  hominum  favorem.  Iam  sequitur  :  Mane,  mane  proferet  iudicium  suum  in  lucem  :  quibus  verbis  intelligit,  vel  Deum  fore  vindicem  scelerum,  quae  videntur  quasi  fugere  eius  oculos,  quum  tardius  poenam  exigit:  vel  assiduum  esse  in  revocando  populo,  si  qua  attentio  esset  ad  doctrinam.  Si  prior  expositio  placeat,  sensus  erit:  Stulte  delitian  hypocritas  quantisper  Deus  ipsis  indulget:  quia  repente  tribunal  conscendet  ad  sumendam  de  ipsis  poenam.  Alii  tamen  referre  malunt  ad  poenas