42:53  53  SUR  LE  XI.  CHAP.  DE  DANIEL.  54  que  nous  avons  receu  de  la  main  de  Dieu,  que  iamais  la  marque  qu'il  ha  imprimee  en  nos  coeurs  par  son  sainct  esprit  ne  s'efface,  mais  que  nous  ensuivions  les  fideles,  qui  ont  vescu  du  temps  qu'il  est  ici  parle.  Or  apres  que  l'ange  ha  declare  a  Daniel  que  les  sacrifices  seront  abolis,  il  dit,  qu'Antiochus  fera  pecher  par  flateries  ceux  qui  se  portent  laschement  en  l'alliance  de  Dieu,  mais  au  contraire  quo  le  peuple  qui  connoit  son  Dieu,  se  fortifiera  et  mettra  en  effect,  c'est  a  dire  qu'il  aura  une  vertu  invincible  pour  perseverer  et  continuer  le  train  qu'il  aura  commence  pour  iamais  ne  se  decliner  de  la  voie  de  salut.  Voici  un  passage  qui  est  bien  digne  d'estre  note,  car  l'ange  monstre  qu'au  milieu  des  plus  grandes  afflictions  et  persecutions  qui  puissent  advenir,  que  tous  ceux  qui  connoissent  vrayement  Dieu,  seront  constans  et  invincibles,  et  que  iamais  ne  seront  abbatus,  iamais  ne  seront  destournes  du  droit  chemin,  voire,  quoy  qu'on  leur  face,  quand  ils  verroient  les  feux  allumos,  les  espees  desgainees,  quand  ils  verroient  mille  morts  presentes,  que  neantmoins  ils  demoureront  tousiours  fermes  en  la  foy.  En  somme  l'ange  prononce  ici  que  la  connoissance  de  Dieu  vive  et  telle  qu'elle  doit  estre  en  nous,  ha  une  telle  vertu  que  nous  sommes  armes  par  icelle,  pour  batailler  contre  toutes  tentations  constamment.  Voila  un  item,  d'autre  coste  il  dit  que  quand  les  persecutions  s'esmouveront  qu'il  y  en  aura  beaucoup  qui  delaisseront  Dieu,  qu'il  se  trouvera  beaucoup  d'apostats  qui  renonceront  a  la  foy,  et  a  l'esperance  de  la  vie  eternelle,  mais  il  dit  que  ceux  la  seront  lasches  et  desloiaux  a  Dieu,  pourtant  i'ai  dit  que  ce  passage  ici  merite  bien  d'estre  considere,  et  sur  tout  au  temps  ou  nous  sommes,  car  voici  Dieu  qui  nous  ha  fait  la  grace  d'avoir  dresse  sa  parole  au  milieu  de  nous,  mais  cependant  nous  ne  sommes  qu'une  pognee  de  gens  qui  suivons  la  pure  doctrine  de  l'Evangile,  cependant  nous  voions  combien  nos  ennemis  sont  puissants,  et  aussi  quelle  est  leur  cruaute,  qu'ils  sont  comme  loups  enrages  a  l'encontre  de  nous,  bref  il  semble  qu'ils  nous  doivent  devorer  a  un  grain  de  sel  (comme  on  dit  en  proverbe)  nous  voions  nos  freres  qui  sont  espars  entre  ces  bestes  sauvages,  nous  voions  les  feux  qui  sont  allumes,  nous  oions  les  menaces,  nous  scavons  asses  les  trahisons  et  pratiques  meschantes,  qui  se  meinent  pour  abolir  l'Evangile.  Ainsi  la  necessite  nous  contraint  de  nous  reveiller  quand  nous  serions  les  plus  endormis  du  monde,  et  pourtant  appliquons  cette  doctrine  ici  a  nostre  usage,  et  qu'en  premier  lieu  nous  advisions  ce  qui  est  ici  dit,  que  ceux  qui  connoissent  Dieu,  tiendront  bon,  nonobstant  toutes  les  tirannies  et  cruautes,  qu'on  machinera  a  l'encontre  d'eux.  Par  cela  ii  nous  est  monstre  (comme  i'ai  dit)  quelle