41:53  53  IN  DANIELEM.  CAP.  VIL  54  facile  hoc  nobis  occurret  quod  dico,  magniloquentiam,  de  qua  nunc  disserit  propheta,  fuisse  superbiam  illam  qua  turgebant  Caesares,  ut  omnibus  imponerent  silentium,  nec  quisquam  hiscere  auderet  praeter  eorum  sententiam.  Optime  igitur  conveniunt  quaecunque  referuntur  hic  a  propheta,  quod  scilicet  ex  decem  cornibus  tria  ablata  fuerint,  hoc  est,  quod  abstracta  fuerit  pars  aliqua  imperii  a  corpore  bestiae:  secundo,  quod  parvum  cornu  praeditum  fuerit  humanis  oculis  propter  speciem  modestiae,  quum  adhuc  humaniter  agerent  Caesares,  et  splendorem  relinquerent  penes  senatum  et  populum:  tertio,  quod  tamen  os  illius  parvi  cornu  fuerit  magniloquum,  quoniam  scilicet  trepidatio  iniecta  fuit  omnibus  Romanis:  praesertim  ut  quisque  pollebat  aliqua  existimatione,  intentus  erat  ad  nutum  Caesarum,  ut  miserrima  esset  servitus,  et  foeda  ac  pudenda  adulatio  in  toto  senatu.  Iam  sequitur,  9.  Videbam  usque  dum  throni  erecti  sunt  (vel,  ablati:  nam  istud  W\  bifariam  exponunt  interpretes:  ad  verbum  est,  donec  abstulerunt  thronos,  vel,  donec  erexerunt  in  sublime):  et  Antiquus  (senex)  dierum  sedit:  vestimentum  eius  quasi  nix  candidum,  et  capillus  capitis  eius  quasi  lana  munda,  solium  eius  scintillae  ignis,  rotae  eius  ignis  ardens.  Iam  Daniel  refert  ostensam  sibi  fuisse  aliam  figuram,  nempe  Dei  sedentis  in  throno  suo  ad  exercendum  iudicium.  Videbimus  postea  de  Christo  :  sed  nunc  tantum  docet  Daniel  sibi  apparuisse  Deum  in  persona  iudicis.  Haec  ratio  fuit  cur  multi  interpretes  extenderent  vaticinium  hoc  ad  secundum  Christi  adventum:  quae  tamen  parum  firma  fuit,  ut  iterum  fusius  disseram  suo  loco.  Sed  primum  hic  considerare  operae  pretium  est,  cur  dicat  Antiquum  dierum,  hoc  est,  Deum  ipsum  qui  est  aeternus,  conscendisse  solium  iudicis.  Videtur  enim  hoc  absurdum:  quia  proprium  Dei  est  mundum  gubernare.  Scimus  autem  hoc  non  fieri,  nisi  recto  iudicio.  Sequitur  ergo  Deum  fuisse  a  mundi  creatione  perpetuum  iudicem  :  sed  qui  mediocriter  versati  sunt  in  scripturis  sciunt  hoc  optime  quadrare  dum  refertur  ad  sensus  nostros.  Nisi  enim  conspicua  sit  nobis  Dei  potestas,  putamus  vel  abolitam  esse,  vel  interruptam.  Inde  loquutiones,  quae  subinde  occurrunt,  Quousque  taces  Domine?  quousque  cessabis?  Deus  solium  conscendit:  quia  scilicet  non  agnoscimus  eum  iudicem,  nisi  ubi  re  ipsa  et  experimento  talem  se  demonstrat.  Haec  ratio  est,  cur  dicat  Daniel  ipsum  Deum  sedisse.  Sed  antequam  longius  pergam,  simul  videndum  est  quo  sensu  dicat  thronos  fuisse  vel  erectos  vel  deiectos.  Nam  istud  Dn  potest  accipi  utroque  modo.  Qui  vertunt  ablatos  fuisse  thronos,  interpretantur  de  quatuor  monarchiis,  quarum  facta  fuit  mentio.  Sed  quantum  ad  me  spectat,