39:53  53  IN  IEREMIAM.  CAP.  XXXIII  statim  penetrant  in  animos  nostros,  vel  exstinguitur  eorum  memoria,  neque  viget  fides  in  nobis  qualis  debebat,  vel  obiectis  scandalis  turbamur.  Nunc  exprimit  quaenam  sint  ilia  recondita,  nempe  quoad  domos,  inquit.  Ad  verbum  est,  sic  dicit  Iehovah  Deus  Israel  ad  domos  urbis  huius,  et  ad  domos  regum  Iehudah,  sed  by  accipitur  pro  super,  quum  est  particula  causalis,  quantum  ad  domos  urbis  et  domus  regum,  inquit.  Domos  regum  vocat,  quoniam  reges  Iehudah  non  erant  contenti  uno  palatio,  sicuti  notum  est,  sed  habebant  plures  domos  extra  urbem.  Super  domos,  inquit,  quae  dirutae  fuerant.  Et  id  varie  exponunt  interpretes,  vel  quod  domus  dirutae  fuerant  ad  catapuitas,  hoc  est,  ut  fierent  machinae  bellicae  ex  earum  materia,  et  ad  gladium.  Sensus  tamen  melius  fluet,  quod  dirutae  fuerint  balistis  et  aliis  machinis,  deinde  gladio,  hoc  est,  hostium  violentia.  m^D,  ut  alibi  dictum  fuit,  quidam  vertunt  munitiones:  sed  ubi  agitur  de  urbium  expugnatione  potius  hoc  nomen  significat  catapuitas  et  machinas  bellicas,  et  balistas  sive  arietes.  Nescimus  cuius  formae  fuerint  apud  Iudaeos  et  Chaldaeos.  Iam  duo  sunt  membra  huius  vaticinii,  nempe  quod  sua  culpa  Iudaei  perituri  sint:  deinde  quod  restituendi  sint  mera  Dei  gratia  et  bonitate.  Hic  ergo  invehitur  priore  loco  propheta  adversus  perversam  confidentiam  populi,  qui  animose  restitit  Chaldaeis.  Venerunt,  inquit,  ad  proeliandum  cum  Chaldaeis:  sed  quis  exitus  proelii?  nempe  ad  implendum,  inquit,  cadaveribus  hominum  domos  ipsas.  Quum  dicit  Iudaeos  venisse,  loquitur  quasi  de  re  iam  peracta.  Est  quidem  participium  praesentis  temporis,  venientes:  sed  propheta  quod  futurum  erat  hic  ante  oculos  statuit:  quasi  diceret,  Audacter  erumpent  Iudaei,  et  putabunt  se  pares,  imo  superiores  fore  Chaldaeis:  ita  sese  accingent  fortibus  animis  ad  proeliandum.  Ergo  hoc  pertinet  ad  ridendam  populi  audaciam.  Sequitur  tristis  exitus  proelii,  Et  ad  implendum  ipsas  domos  cadaveribus  hominum.  Copula  redundat,  vel  debet  expletive  accipi,  quasi  interposita  esset  particula  nempe.  Venient  igitur  ad  proeliandum,  nempe  ut  impleant  domos  suas  cadaveribus,  hoc  est,  ut  magis  ac  magis  inflamment  rabiem  hostium  suorum.  Hinc  enim  factum  est  ut  plus  sanguinis  effuderint  Chaldaei,  neque  pepercerint  magnae  turbae  hominum,  quia  scimus  ubi  expugnatur  violenter  urbs,  illic  exerceri  plus  saevitiae,  et  fieri  maximas  caedes.  Si  sponte  cessissent  Iudaei,  experti  fuissent  plus  humanitatis  in  victoribus  sed  implacabiles  fuerunt  Chaldaei,  quoniam  accensus  fuerat  eorum  furor  pertinacia  bellantis  populi.  Interea  ostendit  Deus  non  fore  victores  Chaldaeos  propria  virtute,  sed  quia  percutiet  ipse  Iudaeos.  Ergo  adscribit  iustae  suae  vindictae  cladem  illam  quae  poterat  videri  profecta  esse  a  Chaldaeis  :  quia  noa  poterat  aliter  hortari  populum