35:53  53  IOB  CHAP.  XXXIII.  54  Vrai  est  que  si  Dieu  parloit  a  nous  du  ciel,  cela  seroit  pour  nous  esmouvoir  tant  plus,  et  par  consequent  la  doctrine  seroit  plus  d'authorite:  mais  cependant  nous  serions  comme  esperdus,  et  ainsi  nous  n'aurions  pas  nostre  esprit  a  delivre  pour  penser  a  ce  qu'il  diroit.  Mais  quand  un  homme  parle,  nous  pouvons  mieux  a��  nostre  aise  gouster  et  digerer  ce  qui  est  dit.  Voila  donc  en  quoi  Dieu  nous  supporte.  De  fait  nous  voyons  que  le  peuple  d'Israel,  quand  la  Loi  deust  estre  publiee,  disoit,  Que  le  Seigneur  ne  parle  point  a.  nous:  car  nous  sommes  perdus  s'il  faut  que  nous  l'oyons.  Et  pourquoi?  Depuis  que  Dieu  eust  commence  a  monstrer  sa  maieste,  voila  un  espouvantement  tel  qui  saisit  leurs  coeurs,  que  ces  povres  gens  ne  savent  que  devenir:  tellement  qu'ils  concluent  que  Dieu  les  abysmera  en  parlant.  Quand  Moyse  vient,  encores  faut-ii  qu'il  mette  un  voile  devant  ses  yeux,  pource  que  Dieu  lui  avoit  donne  une  marque  de  la  gloire,  et  que  les  Iuifs  ne  le  peuvent  porter.  Ainsi  donc  nous  voyons  quand  Dieu  nous  suscite  des  hommes  par  lesquels  nous  soyons  enseignez,  qu'en  cela  il  a  esgard  a.  nostre  foiblesse:  et  qu'il  ne  desploye  point  sa  vertu  envers  nous,  afin  que  nous  n'en  soyons  par  trop  abbatus,  mais  que  nous  ayons  nostre  esprit  a  delivre  pour  estre  edifiez  en  la  doctrine,  et  qu'elle  nous  soit  plus  familiere,  et  que  nous  ayons  tant  plus  grand  loisir  d'y  bien  penser,  et  appliquer  nostre  estude.  Or  par  cela  nous  sommes  admonnestez  de  ne  point  mespriser  la  parole  de  Dieu,  quand  un  homme  parlera  a  nous:  car  ce  seroit  une  ingratitude  trop  vilaine,  Que  Dieu  se  face  comme  petit,  et  qu'il  se  demette  de  sa  grandeur,  afin  de  s'accommoder  a  nostre  portee:  et  que  nous  prenions  occasion  de  cela  de  ne  tenir  contre  de  ce  qui  nous  est  dit.  Et  pourtant  combien  que  ce  thresor  de  salut,  c'est  a  dire  la  parole  de  Dieu  nous  soit  proposee  en  des  vaisseaux  fragiles,  c'est  a  dire  par  des  hommes  mortels,  qui  n'ont  en  eux  sinon  toute  infirmite:  si  est-ce  qu'il  nous  le  faut  tousiours  priser  comme  il  le  merite,  cognoissans  que  les  hommes  ne  parlent  point  en  leur  nom,  mais  que  c'est  Dieu  qui  nous  les  envoye,  et  qui  veut  estre  escoute  en  leur  bouche.  Venons  maintenant  aux  reproches  que  fait  ici  Eliu  a  Iob.  Si  est-ce  que  tu  as  dit  (moi  oyant)  et  i'ai  ouy  ceste  voix  de  tes  propos,  Que  tu  es  iuste,  que  tu  es  sans  peche,  et  que  tu  vies  point  coulpable  d'aucune  iniquite.  En  cela  donc  tu  ne  te  pourras  point  iustifier,  c'est  a  dire,  tu  ne  pourras  maintenir  ta  querelle  que  tu  n'ayes  mal  fait.  Et  qu'ainsi  soit,  Comment  respondras4u  a  Dieu,  veu  quHl  est  plus  grand  que  toi?  Tu  l'accuses  de  ce  qu'il  a  prins  occasion  de  t'affliger,  et  qu'il  a  mis  tes  pieds  aux  ceps,  tellement  que  tu  n'as  plus  liberte  de  maintenir  ta  cause.  Or  ne  cuides  point  eschapper  par