33:53  53  IOB  CHAP.  L  54  seroyent  mieux  ordonnees  qu'elles  ne  sont  pas.  Et  sur  tout  ceci  doit  estre  observe  diligemment  des  Princes,  et  des  Magistrats,  qu'il  faut  qu'ils  soyent  vigilans,  et  qu'ils  facent  bon  guet  sur  ceux  qui  leur  sont  commis  en  charge  :  que  s'il  y  a  des  fautes,  il  faut  qu'ils  s'en  tienent  coulpables,  s'ils  voyent  qu'il  y  ait  des  scandales  et  des  dissolutions,  qu'ils  cognoissent,  que  c'est  d'autant  qu'ils  ne  se  sont  point  acquittez  de  leur  devoir.  Autant  en  est-il  des  Ministres  de  la  Parole,  que  s'ils  voyent  que  l'Eglise  ne  se  gouverne  pas  comme  elle  doit,  qu'il  y  ait  des  troubles  et  contradictions,  que  mesme  le  nom  de  Dieu  soit  blaspheme,  il  faut  qu'ils  en  souspirent,  et  qu'ils  portent  ce  fardeau-la,  sachans  bien  que  Dieu  leur  monstre,  qu'ils  ne  se  sont  pas  acquites  comme  il  appartenoit.  Et  voila  pourquoy  S.  Paul  dit  (2.  Cor.  12,  20),  qu'il  s'est  humilie,  a  cause  des  vices  qui  estoyent  en  l'Eglise  de  Corinthe.  Voila  Dieu  m'a  voulu  faire  ici  vergongne,  dit-il.  Et  S.  Paul  avoit-il  consenti  aux  paillardises,  aux  rapines,  aux  dissolutions  et  aux  autres  vices  semblables  de  ceux  de  Corinthe?  Il  avoit  tasche  de  les  reprendre  en  tout  et  par  tout.  Et  pouvoit  on  dire  qu'il  leur  eust  monstre  le  chemin  pour  se  desborder?  rien  de  tout  cela.  Or  combien  qu'il  se  fust  acquitte  selon  les  hommes,  iusques  au  bout,  fei-est  ce  toutesfois  qu'il  ne  laisse  point  encores  de  sentir  que  Dieu  l'a  voulu  comme  deshonorer  en  partie,  tellement  qu'il  faut  qu'il  face  le  dueil  des  scandales,  et  des  desbordemens  qui  sont  advenus  en  l'Eglise,  de  laquelle  il  avoit  la  conduite,  et  la  charge.  Si  S.  Paul  qui  a  eu  un  tel  zele  a  faire  son  devoir,  neantmoins  s'est  senti  coulpable,  quand  il  y  a  eu  quelque  mal  en  l'Eglise,  ie  vous  prie  que  sera-ce  de  nous  qui  sommes  froids  comme  glace  au  prix  de  luy?  Que  sera-ce  do  ceux  qui  ne  tienent  gueres  de  conte  que  Dieu  soit  honore:  et  moyenant  qu'ils  facent  leur  profit,  et  qu'ils  se  maintienent  en  leur  estat,  ce  leur  est  tout  un?  Notons  bien  donc  ce  qui  est  ici  dit,  que  Iob  a  sacrifie  selon  le  nombre  de  ses  enfans:  et  que  nous  advisions  de  nous  humilier  devant  Dieu,  et  de  luy  demander  pardon,  non  seulement  quand  le  mal  sera  advenu,  mais  que  nous  prevenions  tant  qu'il  nous  sera  possible.  Comme  quoy?  que  les  peres  tienent  leurs  enfans  en  bride  courte,  que  les  maistres  advisent  bien,  que  Dieu  soit  servi  et  honore  par  dessus  eux,  que  leurs  maisons  soyent  reiglees  en  toute  purete,  que  ce  soyent  comme  petites  eglises  de  Dieu:  et  que  ceux  qui  sont  en  charge  et  office  plus  honorable,  soyent  tant  plus  diligens:  que  les  Magistrats  advisent  de  faire  loix,  qui  soyent  propres  pour  tenir  le  peuple  en  bonne  police,  et  pour  retrencher  toutes  choses  qui  sont  contraires  au*  service  et  a  l'honneur  de  Dieu.  Quand  ils  auront  fait  cela,  qu'ils  advisent  bien  de  faire  garder  un  bon  ordre,  quand  il  aura