32:53  53  PSALMUS  C.  54  gratiae  memoriam  renovare  illos  oportuit.  Diserte  etiam  visibile  columnae  nubis  symbolum  commemorat  propheta,  quo  Deus  testatam  ia  omnes  aetates  suam  praesentiam  voluit:  sicuti  temporalibus  signis  usus  est  Deus  non  modo  in  eorum  gratiam  quibus  exhibita  fuerunt,  sed  qui  deinde  sequuti  sunt.  Quamvis  ergo  Deus  non  semper  columnam  nubis  obtulerit  oculis  veteris  populi,  quia  tamen  ea  est  hominum  tarditas  ut  Dei  praesentiam  non  sentiant  nisi  admoniti  externis  signis,  propheta  merito  revocat  Iudaeos  ad  memorabile  hoc  pignus:  quia  Deus  patribus  in  deserto  palam  apparuerat,  ut  certo  persuasi  essent  posteri,  eum  sibi  quoque  propinquum  semper  fore.  Consulto  autem  addit  illos  servasse  testimonia  Dei,  ut  alias  aetates  sub  eodem  obsequio  contineat.  8.  (Iehova  Deus  noster.)  Admonet  fuisse  exauditos,  quia  mutuus  erat  inter  Dei  gratiam  et  eorum  pietatem  consensus.  Ergo  sequitur,  eorum  exemplo  posteros  sic  debere  Deum  invocare,  ut  non  modo  eius  nomen  in  supremis  labris  resonent,  sed  sincero  affectu  custodiant  eius  foedus.  Interea  admonet,  quod  Deus  non  tam  benigne  et  largiter  gloriam  suam  illustrat  omnibus  saeculis,  hominum  culpa  id  accidere:  quia  posteritas  ut  plurimum  a  fide  patrum  vel  desciscit,  vel  certe  declinat.  Nihil  enim  mirum,  ubi  refrigescit  pietas  in  mundo,  Deum  quoque  manum  suam  subducere  vel  saltem  non  exserere  tam  illustri  modo.  (Deus  propitius  tu  fuisti.)  Quod  antehac  de  Mose,  Aaron  et  Samuele  dixit,  ad  totum  populum  spectasse,  ex  his  verbis  clarius  apparet.  Et  certe  non  sibi  privatim  sacerdotes  ibi  erant,  sed  in  communem  populi  salutem.  Quare  propheta  non  incommode  a  tribus  illis  transitum  facit  ad  reliquum  populi  corpus.  Nam  relativa  neque  ad  tres  personas  restringo,  neque  de  iisdem  hominibus  praecise  interpretor,  sed  potius  statum  ecclesiae  notari  existimo,  quod  scilicet  Deus  ad  sacerdotum  suorum  preces  Iudaeis  fuerit  propitius,  et  tamen  severe  animadverterit  in  eorum  peccata.  Ab  una  enim  parte  celebrat  Dei  gratiam,  quum  tam  indulgenter  populum  illum  foverit,  ac  tam  clementer  pepercerit  eius  delictis.  Ab  altera  autem  parte  commemorat  tremenda  exempla,  quibus  ultus  est  eorum  ingratitudinem,  ut  posteri  se  ei  obedienter  subiicere  discant.  Semper  enim  tenendum  est,  quo  liberalius  nobiscum  agit  Deus,  eo  minus  ferre  ut  ludibrio  sit  eius  liberalitas.  In  clausula  Psalmi  sententiam  repetit  quam  habuimus  versu  quinto:  ac  pro  scabello  pedum  ponit  montem  sanctitatis:  et  quod  propter  brevitatem  obscurius  ante  dixerat  X1H  t!?inp>  nunc  plenius  explicat,  Sanctus  Iehova  Deus  noster.  Vult  enim,  Deum  non  fortuito  coli  ab  Israelitis,  (sicuti  gentium  religio  a  sola  opinione  pendebat)  sed  eius  cultnm  in  fidei  certitudine  fundatum  esse.